ନାକଟିଦେଉଳ : ସମ୍ବଲପୁର ଜିଲ୍ଲା ନାକଟିଦେଉଳ ବନାଞ୍ଚଳରେ ହାତୀ ଉପଦ୍ରବ। ବାଟଗାଁ ଫରେଷ୍ଟ ସେକ୍ସନ ର ବିଭିନ୍ନ ଗାଁରେ ଏକ ଗୋଠ ଛଡା ଦନ୍ତା ଉପଦ୍ରଵ କରି ବ୍ୟାପକ କ୍ଷୟ କ୍ଷତି ଘଟାଇବା ସହ ଲୋକଙ୍କ ଘରଦ୍ୱାର ଭାଙ୍ଗି ରୁଜି ଦେଇଥିବା ଜଣାପଡିଛି। ଏହି ଗୋଠ ଛଡା ଦନ୍ତା ମଙ୍ଗଳବାର ରାତି ପ୍ରାୟ ସାଢେ ୧୦ଟା ସମୟରେ ବିନ୍ଧପୁର ଗାଁକୁ ଆସି ବ୍ୟାପକ ଉପଦ୍ରଵ କରିଛି। ଏଥିରେ ଗାଁର ଦୋଳମଣୀ ବିଶିଙ୍କ ଦୁଇ ବଖରା ଘର ଭାଙ୍ଗି ଯାଇଛି । ତେବେ ଦନ୍ତା ହାତୀଟି ତାଙ୍କର ଘରର କାନ୍ଥ ଭାଙ୍ଗିବା ସହ ଧାନ ଚାଉଳ ଖାଇଦେଇଛି। ଏପରିକି ରନ୍ଧନ ଗ୍ୟାସ ଚୁଲା ଓ ଆସବାବ ପତ୍ର ସବୁ ନଷ୍ଟ କରିଦେଇଥିବା ଦୋଳମଣୀ ବିଶି ଅଭିଯୋଗ କରିଛନ୍ତି । ସେହିପରି ସୋମବାର ରାତିରେ ମଧ୍ୟ ଏହି ଦନ୍ତା ହାତୀଟି ଅଙ୍ଗାବିରା ଗାଁରେ ଭାବଗ୍ରାହୀ ସାହୁଙ୍କ ଘର ର କାନ୍ଥ ଭାଙ୍ଗି ଧାନ ସବୁ ଖାଇ ଯାଇଥିଲା। ଗୋଠ ଛଡା ଦନ୍ତା ଉତ୍ପାତ ରେ ଅଞ୍ଚଳବାସୀ ଆତଙ୍କିତ ଅବସ୍ଥାରେ ରହିଛନ୍ତି। ହାତୀ ଘଉଡ଼ାଇବାରେ ବନ ବିଭାଗ ଠୋସ ପଦକ୍ଷେପ ନେବାକୁ ଅଞ୍ଚଳବାସୀଙ୍କ ମଧ୍ୟରେ ଦୃଢ଼ ଦାବି ହେଉଛି ।
Popular Categories
Previous article
Next article