ସମାଜ ଡିଜିଟାଲ ଡେସ୍କ: ଇରାନର ସୁପ୍ରିମ ନେତା ଅଲି ଖାମେନେଇଙ୍କ ହବ୍ର୍ୟୁ ଆକାଉଣ୍ଟକୁ ସସ୍ପେଣ୍ଡ କରିଛି ଏକ୍ସ। ସାମାଜିକ ଗଣମାଧ୍ୟରେ ଖାମେନେଇ ହବ୍ର୍ୟୁ ଭାଷାରେ ଏକ ଏକ୍ସ(ପୂର୍ବରୁ ଟ୍ବିଟର) ଆକାଉଣ୍ଟ ଖୋଲିଥିଲେ। ସଙ୍ଗେ ସଙ୍ଗେ ତାଙ୍କ ଅନୁଗାମୀ ସଂଖ୍ୟା ୧୦ ହଜାର ଅତିକ୍ରମ କରିଯାଇଥିଲା। ହେଲେ ଆକାଉଣ୍ଟ ଖୋଲିବାର ଦିନକ ପରେ ଏକ୍ସ ପକ୍ଷରୁ ତାହାକୁ ବନ୍ଦ କରିଦିଆଯାଇଛି। ଖାମେନେଇ ଆକାଉଣ୍ଟ ଖୋଲିବା ପରେ ପ୍ରଥମ ପୋଷ୍ଟ ମଧ୍ୟ କରିଥିଲେ। ହବ୍ର୍ୟୁ ଭାଷାରେ ସେ ଇସ୍ରାଏଲ ଉଦ୍ଦେଶ୍ୟରେ ଉକ୍ତ ପୋଷ୍ଟ କରିଥିଲେ। ଇସ୍ରାଏଲର ଆକ୍ରମଣ ପରେ ଖାମେନେଇ ଲେଖିଥିଲେ, ଜୋନିଷ୍ଟ ରିଜାଇମ୍ ଇରାନ ସଂକ୍ରାନ୍ତରେ ଭୁଲ ଆକଳନ କରିବା ସହିତ ଏକ ଭୁଲ ପଦକ୍ଷେପ ନେଲା। ଆମେ ଇରାନର ଶକ୍ତି ଏବଂ ଦକ୍ଷତା କ’ଣ ତାହା ଦେଖାଇଦେବୁ। ଏହି ପୋଷ୍ଟ ପରେ ଏକ୍ସ ପକ୍ଷରୁ ଏକ ନୋଟିସ ଦିଆଯାଇ ଏକ୍ସ’ର ନିୟମ ଉଲ୍ଲଂଘନ କରିଥିବାରୁ ଆକାଉଣ୍ଟକୁ ବନ୍ଦ କରିଦିଆଯାଇଥିବା କୁହାଯାଇଛି।
Popular Categories
Previous article
Next article