‘ବିଶ୍ବ ଏଡ୍‌ସ ଦିବସ’ ଉପଲକ୍ଷେ ପଦଯାତ୍ରା

କଟକ : ବିଶ୍ବ ଏଡ୍‌ସ ଦିବସ ଉପଲକ୍ଷେ କଟକରେ ଏକ ସଚେତନ ପଦଯାତ୍ରା ଅନୁଷ୍ଠିତ ହୋଇଛି। କଟକ ଜିଲା ‘ସମୃଦ୍ଧି ଫାଉଣ୍ଡେସନ’ ଓ ‘ସୃଷ୍ଟି’ ସଂସ୍ଥାର ମିଳିତ ସହ​‌ଯୋଗରେ ଏହି ପଦଯାତ୍ରା ଶନିବାର ସକାଳେ ହୋଇଛି। ‘ସମୃଦ୍ଧି ଫାଉଣ୍ଡେସନ’ର ସଭାପତି ତନୁଶ୍ରୀ ବେହେରା ଓ ସମ୍ପାଦିକା ସୋନି ସିଲଙ୍କ ଆହ୍ବାନରେ କଟକ ଜିଲାରେ ବାସ କରୁଥିବା କିନ୍ନରମାନଙ୍କ ସହାୟତାରେ ପଦଯାତ୍ରା ଆରମ୍ଭ ହୋଇଥିଲା। ଏହି ପଦଯାତ୍ରା ପିଲଗ୍ରୀମ ରୋଡରୁ ବାହାରି କଟକ ରେଳ ଷ୍ଟେସନ ପର୍ଯ୍ୟନ୍ତ ଯାଇଥିଲା। ଏଚଆଇଭି ସଂକ୍ରମିତ ବ୍ୟକ୍ତି କିପରି ସମାଜରେ ସ୍ବାଭିମାନ ସହ ବଞ୍ଚିବା ସହ ହିଂସା ଦ୍ବାରା ସେମାନେ ପ୍ରଭାବିତ ନ ହେବେ ତାହା ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ ଅଟେ। ସମାଜରେ ସମସ୍ତଙ୍କ ଚିନ୍ତାଧାରା ବଦଳାଇବା ଓ ଏଡ୍‌ସ ନ ବ୍ୟାପିବା ପାଇଁ ସେମାନେ ଅନ୍ୟମାନଙ୍କୁ ସଚେତନ କରାଇଥିଲେ।

ଏହି କାର୍ଯ୍ୟକ୍ରମରେ ସମାଜସେବୀ ଅଭିଜିତ ଦାଶ, ପ୍ରହଲ୍ଲାଦ ମହାରଣା, ସୃଷ୍ଟି ସଙ୍ଗଠନର ସମସ୍ତ ସଭ୍ୟା, ୱାଇଡବ୍ଲୁସିଏର ସଦସ୍ୟ ବୃନ୍ଦ ଯୋଗ ଦେଇଥିଲେ।