ରେଙ୍ଗାଲି: ରେଙ୍ଗାଲି ପୁରୁଣାବସ୍ତିଠାରେ ଥିବା କଳ୍ୟାଣ ମଣ୍ଡପରେ ରେଙ୍ଗାଲି ସେବା-ସମବାୟ ସମିତି ପକ୍ଷରୁ ଗୁରୁବାର ବ୍ୟାଙ୍କିଂ ସେବା ଏବଂ ଋଣ କର୍ମଶାଳା ଅନୁଷ୍ଠିତ ହୋଇଯାଇଛି। କର୍ମଶାଳାରେ ରେଙ୍ଗାଲି ସେବା-ସମବାୟ ସମିତିର ସଭାପତି ସୁବାଷ ଚନ୍ଦ୍ର ବିଶ୍ୱାଲ ସଭାପତିତ୍ୱ କରିଥିଲେ। ପ୍ରାରମ୍ଭରେ ସେବା-ସମବାୟ ସମିତିର ସମ୍ପାଦକ ପ୍ୟାରି ମୋହନ ବୁଧିଆ ସ୍ୱାଗତ ଭାଷଣ ପ୍ରଦାନ କରିଥିଲେ। ସମ୍ବଲପୁର ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କର ନିର୍ଦ୍ଦେଶକ କିରଣ ବେହେରା ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ପୂର୍ବତନ ବିଧାୟକ ଦୁର୍ଯ୍ୟୋଧନ ଗର୍ଡିଆ, ରେଙ୍ଗାଲି ସରପଞ୍ଚ ଚିତ୍ତରଞ୍ଜନ ବାଗ, ଏସ୍.ଏ.ଆର୍.ସି.ଏସ୍ ଉମେଶ ଚନ୍ଦ୍ର ନାୟକ, ସମବାୟ ବ୍ୟାଙ୍କ ରେଙ୍ଗାଲି ଶାଖାର ପରିଚାଳକ ଚନ୍ଦନ କୁମାର ଦାସ, ବ୍ଳକ୍ କୃଷି ଅଧିକାରୀ ବ୍ୟୋମକେଶ ମିଶ୍ର ସମ୍ମାନିତ ଅତିଥି ରୂପେ ଯୋଗ ଦେଇଥିଲେ। ମୁଖ୍ୟ ଅତିଥି, ସମ୍ମାନିତ ଅତିଥି ଓ ସେବା ସମବାୟ ସମିତିର ସଭାପତି ବ୍ୟାଙ୍କିଙ୍ଗ୍ ସେବା ଓ ଋଣ କର୍ମଶାଳା ଆୟୋଜନର ଉଦ୍ଦେଶ୍ୟ ତଥା ଏ ସଂକ୍ରାନ୍ତରେ ସରକାର ପ୍ରଣୟନ କରିଥିବା ଯୋଜନା ସଂକ୍ରାନ୍ତରେ ସମବେତ ଚାଷୀମାନଙ୍କୁ ଅବଗତ କରାଇଥିଲେ। ପରିଚାଳନା ପରିଷଦର ସଭ୍ୟ ଇଂ ଗାନ୍ଧି ବେହେରା ଧନ୍ୟବାଦ ଅର୍ପଣ କରିଥିଲେ।
Comments are closed.