କେନ୍ଦୁଝରଗଡ଼ : ଗ୍ରୀଷ୍ମଋତୁରେ ପାନୀୟଜଳର ଉତ୍କଟ ସମସ୍ୟା ଜିଲାବ୍ୟାପୀ ଦେଖା ଦେଇଛି। କେନ୍ଦୁଝର ସହର ଉପକଣ୍ଠ ଡିମ୍ବୋ ପଞ୍ଚାୟତ ଡିମ୍ବୋ ଗ୍ରାମର ମନ୍ଦିର ସାହିରେ ୨ଟି ନଳକୂପ ଥିଲେ ହେଁ ତାହା ଅଧିକାଂଶ ସମୟ ଅଚଳ ରହିବା ଏବଂ ଉକ୍ତ ନଳକୂପରୁ ଦୁର୍ଗନ୍ଧଯୁକ୍ତ ପାଣି ବାହାରୁଥିବାରୁ ଏହା ପିଇବାଯୋଗ୍ୟ ହୋଇ ରହିନାହିଁ ବୋଲି ଋକ୍ମିଣୀ ନାଏକ ଅଭିଯୋଗ କରିଛନ୍ତି। ଉକ୍ତ ସାହିରେ ୨୦୦ରୁ ଉଦ୍ଧ୍ୱର୍ ପରିବାର ବସବାସ କରୁଥିଲେ ହେଁ ପାନୀୟଜଳ ଯୋଗାଣ ନେଇ କୌଣସି ସ୍ଥାୟୀ ପଦକ୍ଷେପ ଗ୍ରହଣ କରାଯାଉ ନଥିବାରୁ ସାହିବାସିନ୍ଦା ବର୍ଷତମାମ ପଡୋଶୀଙ୍କ ଘରେ ଖୋଳା ଯାଇଥିବା ବୋରୱେଲ ପାଣି ଉପରେ ନିର୍ଭର କରି ସେମାନଙ୍କ ପରିବାର ଚଳାଇ ଆସୁଛନ୍ତି। ଏଭଳିସ୍ଥିତିରେ ଜିଲା ପ୍ରଶାସନ ପକ୍ଷରୁ ତୁରନ୍ତ ଉକ୍ତ ସାହିରେ ଅନ୍ତତଃପକ୍ଷେ ଦୁଇଟି ନଳକୂପ ଖନନ କରାଯାଇ ପାନୀୟଜଳ ସମସ୍ୟା ଦୂର କରିବା ପାଇଁ ଅହଲ୍ୟା ନାଏକ, କୁମୁଦିନୀ ମହାରଣା, ଗୋଲାପୀ ନାଏକ, ତପସ୍ୱିନୀ ନାଏକ ପ୍ରମୁଖ ସୋମବାର ଜିଲାସ୍ତରୀୟ ଅଭିଯୋଗଶୁଣାଣୀରେ ଜିଲାପାଳଙ୍କୁ ଭେଟି ଗୁହାରୀ କରିଛନ୍ତି ।
Popular Categories
Previous article
Next article