ପାଟଣା: ବୁଧବାର ପୂର୍ବାହ୍ନରେ ୪୯ନଂ ଜାତୀୟ ରାଜପଥର ପାଟଣା ବ୍ଲକ ଅନ୍ତର୍ଗତ ବାଉଁଶୁଳି ଛକଠାରେ ଜଣେ ମହିଳାଙ୍କ ଉପରେ ଟ୍ରକ୍ ଚଢ଼ିଯିବାରୁ ତାଙ୍କର ମୃତ୍ୟୁ ଘଟିଛି। ମୃତା ମହିଳା ଜଣଙ୍କ ଏହି ବ୍ଲକ ଟାଙ୍ଗରପଡା ଗ୍ରାମ ଗୁଡ଼ାସାହିର କାର୍ତ୍ତିକ ମୁଣ୍ଡାଙ୍କ ପତ୍ନୀ ଭୁସୁକି ମୁଣ୍ଡା(୫୦) ବୋଲି ଜଣାପଡିଛି। ଉଭୟ ସ୍ବାମୀ ସ୍ତ୍ରୀ ବାଉଁଶୁଳିରେ ସମ୍ପର୍କୀୟଙ୍କ ଶୁଦ୍ଧିକ୍ରିୟାରେ ଯୋଗଦେଇ ପାଟଣା ବସ୍ ଧରିବାକୁ ବାଉଁଶୁଳି ଛକରେ ରାସ୍ତା ପାର ହେବା ସମୟରେ ଏହି ଦୁର୍ଘଟଣା ଘଟିଛି। ଦୁର୍ଘଟଣା ପରେ ବାଉଁଶୁଳି ଛକରେ ହମ୍ପ୍ସ ନିର୍ମାଣ ଓ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ସ୍ଥାନୀୟ ଲୋକେ ୨ ଘଣ୍ଟା ଧରି ରାସ୍ତାରୋକ କରିଥିଲେ। ତୁରୁମୁଙ୍ଗା ପୁଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିବା ପରେ ରାସ୍ତାରୋକୋ ପ୍ରତ୍ୟାହୃତ ହୋଇଛି। ପୁଲିସ ମହିଳାଙ୍କ ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ କେନ୍ଦୁଝର ପଠାଇଛି।
ସ୍ବାମୀ ଆଖି ଆଗରେ ସ୍ତ୍ରୀଙ୍କ ଉପରେ ଚଢ଼ିଗଲା ଟ୍ରକ୍, ଉତ୍ତ୍ୟକ୍ତ ଲୋକଙ୍କ ରାସ୍ତାରୋକୋ
Popular Categories
Previous article
Next article