ଆଠଗଡ : ଆଠଗଡ ସହରର ପଦ୍ମସାହି ଗଣେଶ ପୂଜା କମିଟି ପକ୍ଷରୁ ଚଳିତବର୍ଷ ଗଣେଶ ପୂଜା ବେଶ୍ ଧୁମଧାମ ଓ ଆଡମ୍ବର ସହକାରେ ପାଳିତ ହେଉଛି । ଚଳିତବର୍ଷ ଶ୍ରୀ ଗଣେଶଙ୍କୁ କମିଟି ପକ୍ଷରୁ ୨.୫କେଜି ଓଜନର ରୂପା ମୁକୁଟରେ ସଜ୍ଜା ଯାଇଛି । ପୂର୍ବବର୍ଷ ପ୍ରାୟ ୧.୫୦କେଜି ଓଜନର ଗଣେଶଙ୍କର ଦୁଇଟି ଦାନ୍ତ ଲଗାଯାଇଥିଲା। ରୂପା ମୁକୁଟ ଓ ଦାନ୍ତରେ ସଜ୍ଜିତ ଶ୍ରୀ ଗଣେଶ ଝଟକୁଥିବାର ଦେଖାଯାଇଛି । ଏହାକୁ ଦେଖିବା ପାଇଁ ବହୁ ଜନସମାଗମ ପରିଲକ୍ଷିତ ହୋଇଛି । ନଗରପାଳ ସସ୍ମିତା ରାଉତ ଓ ୨ନଂ ୱାର୍ଡ କାଉନସିଲର ପୂର୍ଣ୍ଣିମା ବେହେରା ପଦ୍ମସାହି ପୂଜା ମଣ୍ଡପକୁ ଦର୍ଶନ ପାଇଁ ଯାଇଥିବା ବେଳେ ଗଣେଶ ପୂଜା କମିଟିର ସଭାପତି ଚନ୍ଦ୍ରଶେଖର ଦାସ, ସଂପାଦକ ଜିତେନ୍ଦ୍ର ଶତପଥୀ, କୋଷାଧ୍ୟକ୍ଷ ଅଭିଷେକ ଜେନା, ସହସଂପାଦକ ପ୍ରଦୋଷ ସାହାଣୀ, କାର୍ଯ୍ୟକାରୀ କମିଟି ସଦସ୍ୟ ସାନୁ ଭକ୍ତା ଓ ମାନସ ସାମଲ ପ୍ରମୁଖ ସେମାନଙ୍କୁ ସ୍ୱାଗତ କରିଥିଲେ।
Comments are closed.