ନୂଆଦିଲ୍ଲୀ: ଏପ୍ରିଲ ୧୫ ତାରିଖ ପର୍ଯ୍ୟନ୍ତ ନ୍ୟାୟିକ ହେପାଜତରେ ରହିବାକୁ କେଜ୍ରିୱାଲଙ୍କୁ କୋର୍ଟ ନିର୍ଦ୍ଦେଶ ଦେଇଥିଲେ। ଏହାପରେ ତିହାର ଜେଲରେ ରହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ। ଜେଲରେ ରହିବା ବେଳେ କେଜ୍ରିୱାଲ କେଉଁ ମାନଙ୍କୁ ଭେଟିବାକୁ ଚାହୁଁଛନ୍ତି ସେମାନଙ୍କ ନାମ ତାଲିକ ଜେଲ ପ୍ରଶାସନ ପାଖରେ ଦାଖଲ କରିଛନ୍ତି। ମିଳିଥିବା ସୂଚନା ଅନୁଯାୟୀ କେଜ୍ରିୱାଲ ୬ଜଣଙ୍କୁ ଭେଟିବାକୁ ଚାହୁଁଛନ୍ତି। ଏଥିରେ ତିନି ଜଣ ବିଶେଷ ବନ୍ଧୁ ରହିଛନ୍ତି। ତାଲିକାରେ ପତ୍ନୀ ସୁନୀତା, ପୁଅ ପୁଲକିତ, ଝିଅ ହର୍ଷିତା, ବନ୍ଧୁ ସନ୍ଦୀପ ପାଠକ, ବନ୍ଧୁ ବିବେକ ଏବଂ ଅନ୍ୟ ଜଣେ ବନ୍ଧୁଙ୍କ ନାମ ଲେଖିଛନ୍ତି। ନିୟମ ଅନୁଯାୟୀ ସମୁଦାୟ ୧୦ଜଣଙ୍କ ନାମ ଦିଆଯାଇପାରେ। ବର୍ତ୍ତମାନ ପର୍ଯ୍ୟନ୍ତ କେଜ୍ରିୱାଲ ୬ଜଣଙ୍କୁ ସାକ୍ଷାତ କରିବାକୁ ଚାହୁଁଥିବା ଜେଲ ପ୍ରଶାସନକୁ କହିଛନ୍ତି। ଦିଲ୍ଲୀ ମଦ ନୀତି ଦୁର୍ନୀତି ମାମଲାରେ ମାର୍ଚ୍ଚ ୨୧ରେ କେଜ୍ରିୱାଲଙ୍କୁ ଗିରଫ କରିଥିଲା ଇଡି। ଏହି ମାମଲାରେ କୋର୍ଟ କେଜ୍ରିୱାଲଙ୍କୁ ୧୫ଦିନ ପାଇଁ ନ୍ୟାୟିକ ହେପାଜତକୁ ପଠାଇଛନ୍ତି।
Popular Categories
Previous article
Next article