ମାର୍ଚ୍ଚ୮ରେ ଚଳିତ ବର୍ଷର ମହାଶିବରାତ୍ରୀ ପବିତ୍ର ପର୍ବ ପାଳନ କରାଯିବ। ଏହି ଦିନ ସମସ୍ତ ଶିବ ମନ୍ଦିରରେ ଭକ୍ତଙ୍କ ପ୍ରବଳ ଭିଡ ଦେଖାଯାଏ। ମହାଶିବରାତ୍ରୀ ଦିନ ପୂଜା ସମୟରେ ଓ ଏହି ଦିନ କେଉଁ ପୋଷାକ ପିନ୍ଧିବେ ତାହାର ଅନେକ ମହତ୍ତ୍ୱ ରହିଛି। ଏହି ଦିନ କେଉଁ ରଙ୍ଗର ପୋଷାକ ପିନ୍ଧିବା ଉଚିତ୍। ଅନେକଙ୍କ ମନରେ ଏହି ପ୍ରଶ୍ନ ଆସିଥାଏ। ସେଭଳି କେଉଁ ରଙ୍ଗର ପୋଷାକ ପିନ୍ଧିବା ଉଚିତ ନୁହେଁ ତାହା ମଧ୍ୟ ଜାଣିବା ଆବଶ୍ୟକ। ପୋଷାକ କିଭଳି ହେବା ଉଚିତ୍, ଜାଣନ୍ତୁ ମହାଶିବରାତ୍ରୀ ପାଇଁ ପୋଷାକ ରଙ୍ଗର ମହତ୍ତ୍ୱ..
ମହାଶିବରାତ୍ରୀ ପବିତ୍ର ପର୍ବ ଭଗବାନ ଶଙ୍କରଙ୍କୁ ସମର୍ପିତ। ପ୍ରଭୁଙ୍କର ସବୁଜ ରଙ୍ଗ ଅତ୍ୟନ୍ତ ପ୍ରିୟ। ଏହି ଦିନ ସବୁଜ ରଙ୍ଗର ପୋଷାକ ପିନ୍ଧିବା ଦ୍ୱାରା ଅତ୍ୟନ୍ତ ଶୁଭଫଳ ମିଳିଥାଏ। ଏହା ବ୍ୟତୀତ ମହାଶିବରାତ୍ରୀ ପୂଜାରେ ଲାଲ, ହଳଦିଆ, ଗୋଲାପି, ନାରଙ୍ଗୀ ଓ ଧଳା ରଙ୍ଗର ପୋଷାକ ମଧ୍ୟ ପିନ୍ଧିପାରିବେ।
ମହାଶିବରାତ୍ରୀ ଦିନ କଳା ରଙ୍ଗର ପୋଷାକ ଭୁଲ୍ରେ ମଧ୍ୟ ଧାରଣ କରନ୍ତୁ ନାହିଁ। ଏହା ବ୍ୟତୀତ ଏହି ଦିନ ନୀଳରଙ୍ଗର ପୋଷାକ ମଧ୍ୟ ପିନ୍ଧିବା ଉଚିତ ନୁହେଁ। ଏହା ନକରାତ୍ମକ ଶକ୍ତିକୁ ଆକର୍ଷିତ କରିଥାଏ। ପୂଜାରେ ବାଧା ସୃଷ୍ଟି ହୋଇଥାଏ।
ଧାର୍ମିକ ଅନୁଷ୍ଠାନ କିମ୍ବା ପୂଜାପାଠ ସମୟରେ ଭାରତୀୟ ସଂସ୍କୃତିରେ ହିନ୍ଦୁଧର୍ମରେ ପୁରୁଷ ଧୋତି-କୁର୍ତ୍ତା ଓ ମହିଳାମାନେ ସାଢୀ ପିନ୍ଧିବା ଉଚିତ। ଏହା ସୂତା କପଡାରେ ତିଆରି ହେବା ଆବଶ୍ୟକ। କୁମାରୀ କନ୍ୟାମାନେ ସଲୱାର ପିନ୍ଧିପାରିବେ।
