ଡେସ୍କ: ମେଟାର ଇନ୍ଷ୍ଟାଣ୍ଟ ମଲ୍ଟିମିଡିଆ ମେସେଜିଙ୍ଗ୍ ଆପ୍ ହ୍ବାଟ୍ସଆପ୍ରେ ଏକ ବଡ଼ ଫିଚର୍ ଆସିବାକୁ ଯାଉଛି। ନୂଆ ଅପ୍ଡେଟ୍ ପରେ ହ୍ବାଟ୍ସଆପ୍ କମ୍ୟୁନିଟିରେ ପିନ୍ଡ ଇଭେଣ୍ଟ୍ସ ଫିଚର୍ ଉପଲବ୍ଧ ହେବ। ଏହି ଫିଚର ଆସିବା ପରେ ଆପଣ କମ୍ୟୁନିଟି ଗ୍ରୁପ୍ରେ କୌଣସି ଆଗାମୀ ଇଭେଣ୍ଟକୁ ପିନ୍ କରିପାରିବେ। ନୂତନ ଫିଚର୍ କୌଣସି ବିଶେଷ କାର୍ଯ୍ୟକ୍ରମ କିମ୍ବା ଉତ୍ସବ ପାଇଁ ରିମାଇଣ୍ଡର ଲଗାଇବାର ସୁବିଧା ମଧ୍ୟ ଦେବ। ହ୍ବାଟ୍ସଆପ୍ର ଏହି ନୂଆ ଫିଚର ଆଣ୍ଡ୍ରଏଡର ବିଟା ଭର୍ସନ ୨.୨୪.୩.୨୦ରେ ଦେଖିବାକୁ ମିଳିଛି। ନୂଆ ବିଟା ଭର୍ସନକୁ ଗୁଗଲ ପ୍ଲେ-ଷ୍ଟୋରରୁ ଡାଉନଲୋଡ୍ କରାଯାଇପାରିବ। Wabetainfo ନୂଆ ଫିଚର ସମ୍ବନ୍ଧୀୟ ସୂଚନା ଦେଇଛି।
ହ୍ବାଟ୍ସଆପ୍ର ଏହି ନୂଆ ଫିଚର୍ର ସବୁଠୁ ବଡ ସୁବିଧା ହେଉଛି, କମ୍ୟୁନିଟିର ସମସ୍ତ ସଦସ୍ୟ କୌଣସି ଇଭେଣ୍ଟକୁ ହାତଛଡ଼ା କରିବେ ନାହିଁ। ପିନ୍ କରିବା ପରେ କାର୍ଯ୍ୟକ୍ରମର ସୂଚନା ଆପ୍ର ଶୀର୍ଷରେ ଦୃଶ୍ୟମାନ ହେବ। ବିଶେଷ କଥା ହେଉଛି, କମ୍ୟୁନିଟିର ଆଡ୍ମିନ୍ଙ୍କୁ କୌଣସି ଇଭେଣ୍ଟ ବିଷୟରେ ପିନ୍ କରିବାକୁ ପଡ଼ିବ ନାହିଁ। ଇଭେଣ୍ଟ ସୃଷ୍ଟି କରିବା ପରେ ଏହା ଡିଫଲ୍ଟ ଭାବରେ ପିନ୍ ହୋଇ କମ୍ୟୁନିଟିର ଶୀର୍ଷରେ ଦେଖାଯିବ।
