ଗଞ୍ଜାମ: ଗଞ୍ଜାମ ମହାବିଦ୍ୟାଳୟ ଆଇକ୍ୟୁଏସି ଏବଂ ଏୱକ୍ ଇଣ୍ଡିଆ ମିଳିତ ଆନୁକୂଲ୍ୟରେ ଏକ ୱେବିନାର ଅନୁଷ୍ଠିତ ହୋଇଯାଇଛି। ମୁଖ୍ୟବକ୍ତା ଭାବେ ଆର୍ଥିକ ବିଶାରଦ ତୃପ୍ତି କାପଡ଼ିଆ ଯୋଗ ଦେଇ ୱେବନର ଶୀର୍ଷକ ଫାଇନାନସିଅଲ ମ୍ୟାନେଜମେଣ୍ଟ ଇନ ପୋଷ୍ଟ କୋଭିଡ-୧୯ ସମ୍ପର୍କରେ ସବିଶେଷ ତଥ୍ୟ ପ୍ରଦାନ କରିଥିଲେ। ମହାବିଦ୍ୟାଳୟ ଅଧ୍ୟକ୍ଷ ଡ଼. ପ୍ରବୀଣ କୁମାର ନନ୍ଦ ଏଥିରେ ସଭପତିତ୍ୱ କରି ସ୍ୱାଗତ ଭାଷଣ ସହିତ ଅତିଥି ପରିଚୟ ପ୍ରଦାନ କରିଥିଲେ। ଆଇ.କ୍ୟୁ.ଏ.ସି. ସଂଯୋଜିକା ଡ଼. ସ୍ମରଣୀକା ହୋତା କାର୍ଯ୍ୟକ୍ରମଟିକୁ ସଂଯୋଜନା କରିଥିଲେ। ବି ସ୍କୁଲ ଫୋରାମ ନଲେଜ ସେଣ୍ଟର ଏହାକୁ ପରିଚାଳନା କରିଥିଲେ। ଏହି କାର୍ୟ୍ୟକ୍ରମରେ ମହାବିଦ୍ୟାଳୟର ସମସ୍ତ ଛାତ୍ରଛାତ୍ରୀ, ଅଧ୍ୟାପକ ଅଧ୍ୟାପିକା ତଥା କର୍ମଚାରୀ ଯୋଗ ଦେଇଥିଲେ । ଆର୍ଥିକ ବିଶାରଦ ତୃପ୍ତି କାପଡ଼ିଆ ଦୀର୍ଘ ମିଆଦି ଓ ସ୍ୱଳ୍ପ ମିଆଦି ଆର୍ଥିକ ଯୋଜନା, ଜୀବନ ବୀମା, ମୁଚୁୱାଲ ଫଣ୍ଡ, ଡିଜିଟାଲ ଗୋଲଡ ଇତ୍ୟାଦି ଉପରେ ଆଲୋକପାତ କରିଥିଲେ ଏବଂ ଛାତ୍ରଛାତ୍ରୀଙ୍କ ପ୍ରଶ୍ନର ଉତ୍ତର ଦେଇଥିଲେ। ପରିଶେଷରେ ଡ଼. ସ୍ମରଣୀକା ହୋତା ଧନ୍ୟବାଦ ଅର୍ପଣ କରିଥିଲେ ।
Popular Categories
Previous article
Next article