ଭୁବନେଶ୍ୱର : ରାଜ୍ୟର ବିଭିନ୍ନ ସ୍ଥାନରେ କୋହଲା ପାଗ ସହ ଶନିବାର ମଧ୍ୟ ବର୍ଷା ଜାରି ରହିଛି। ଆସନ୍ତା ୬ ରୁ ଶୀତର ପ୍ରକୋପ ବଢିବ ବୋଲି ଜଣାପଡ଼ିଛି। ଏହାସହ ୨୪ ଘଣ୍ଟା ମଧ୍ୟରେ ତାଳଚେରରେ ସର୍ବାଧିକ ୫୮ ମିମି ବର୍ଷା ରେକର୍ଡ଼ କରାଯାଇଛି। ବାଲେଶ୍ୱରରେ ୨୨.୪, କେନ୍ଦୁଝରରେ ୧୪.୮ ମିମି ବର୍ଷା, ରାଜଧାନୀ ଭୁବନେଶ୍ୱରରେ ୧୨.୩ ମିମି ବର୍ଷା ରେକର୍ଡ଼ ହୋଇଛି। ଆଜି ଉପକୂଳ ଓ ଆଭ୍ୟନ୍ତରୀଣ ୯ଟି ଜିଲାରେ ବର୍ଷା ସମ୍ଭାବନା ରହିଛି। ନବରଙ୍ଗପୁର, ମାଲକାନଗିରି, ରାୟଗଡ଼ା, ବଲାଙ୍ଗୀର, ଅନୁଗୁଳ, କେନ୍ଦୁଝର, ସୋନପୁର, ଢେଙ୍କନାଳ, ବରଗଡ଼ ଜିଲାରେ ବର୍ଷା ସମ୍ଭାବନା ରହିଛି। ଏହାସହ ଏହି ସମସ୍ତ ଜିଲାରେ ଆସନ୍ତା କାଲି ଠାରୁ ୩ ଦିନ ଯାଏଁ ଘନ କୁହୁଡ଼ି ଅନୁଭୂତ ହେବ। କାଲି ଠାରୁ ଆକାଶ ମେଘମୁକ୍ତ ହେବା ସହ ୬ରୁ ପାରଦ ଖସିବ। ଏହାସହ ତାପମାତ୍ରା ୪ ରୁ ୫ ଡ଼ିଗ୍ରୀ ଖସିବ ଓ ଶୀତର ପ୍ରକୋପ ବଢିବା ନେଇ ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ମିଳିଛି।
Popular Categories
Previous article
Next article