ସମାଜ ଡିଜିଟାଲ ଡେସ୍କ: ଆଲାସ୍କାରେ ଅନୁଷ୍ଠିତ ଶିଖର ସମ୍ମିନଳୀରେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ସାକ୍ଷାତକାର ସମୟରେ ଉଭୟଙ୍କ ମଧ୍ୟରେ ଆଲୋଚନା ସକରାତ୍ମକ ହୋଇଥିବା ଦୁଇ ନେତା ପ୍ରକାଶ କରିଛନ୍ତି । ଏହି ବୈଠକ ପରେ ଉଭୟ ନେତା ଏକ ମିଳିତ ବିବୃତ୍ତି ଜାରି କରିଛନ୍ତି । ଏଥିରେ ପୁଟିନ କହିଛନ୍ତି ଯେ ୟୁକ୍ରେନ ସହିତ ଯୁଦ୍ଧର କାରଣଗୁଡିକୁ ଦୂର କରିବା ଆବଶ୍ୟକ । ରୁଷ ଏହାର ସାର୍ବଭୌମତ୍ୱ ପ୍ରତି ପ୍ରତିବଦ୍ଧ । ଟ୍ରମ୍ପ କହିଛନ୍ତି ଯେ ରୁଷ ସହିତ ଆମର ଭଲ ସମ୍ପର୍କ ରହିଛି, କିନ୍ତୁ ଅନେକ ପ୍ରସଙ୍ଗରେ ସହମତି ହୋଇପାରିନାହିଁ । ନାଟୋ ଏବଂ ୟୁକ୍ରେନ୍ ସହିତ ଫୋନ୍ ଯୋଗେ ଆଲୋଚନା କରାଯିବ ବୋଲି ଟ୍ରମ୍ପ କହିଛନ୍ତି ।
ପୁଟିନ୍ ଟ୍ରମ୍ପଙ୍କ ସହିତ ହୋଇଥିବା ଏକ ଚୁକ୍ତିନାମା ବିଷୟରେ ଉଲ୍ଲେଖ କରି କହିଛନ୍ତି ଯେ ଏହା ୟୁକ୍ରେନରେ ଶାନ୍ତି ଆଣିପାରୀବ, ଯଦିଓ ସେ କୌଣସି ବିବରଣୀ ଦେଇନାହାଁନ୍ତି । ଶିଖର ସମ୍ମିନଳୀ ପରେ ଟ୍ରମ୍ପଙ୍କ ସହ ଏକ ମିଳିତ ସାମ୍ବାଦିକ ସମ୍ମିଳନୀରେ ପୁଟିନ୍ କହିଛନ୍ତି ଯେ ଆମେ ଆଶା କରୁଛୁ ଯେ ଆମ ମଧ୍ୟରେ ହୋଇଥିବା ଚୁକ୍ତିନାମା ୟୁକ୍ରେନରେ ଶାନ୍ତି ପାଇଁ ପଥ ପ୍ରଶସ୍ତ କରିବ । ଦୁଇ ଦେଶର ନେତା ପ୍ରାୟ ତିନି ଘଣ୍ଟା ଧରି ଯୁଦ୍ଧ ପରିସ୍ଥିତି ସମ୍ପର୍କରେ ଆଲୋଚନା କରିଥିଲେ । ବୈଠକ ପରେ ପୁଟିନ୍ କହିଥିଲେ ଯେ ବିଶ୍ୱରେ ଶାନ୍ତି ରହିବା ଉଚିତ୍ । ୟୁକ୍ରେନ୍ ତାହାର ପରିସ୍ଥିତି ପାଇଁ ନିଜେ ଦାୟୀ ।
ତେବେ ବୈଠକରୁ ଜଣାପଡିଛି ଯେ ଯୁଦ୍ଧ ବନ୍ଦ ପାଇଁ କୌଣସି ଚୂଡାନ୍ତ ନିଷ୍ପତ୍ତି ହୋଇନାହିଁ । ଏହି ଆଲୋଚନା ବେଶ ଫଳପ୍ରଦ ହୋଇଥିବା ଉଭୟ ନେତା କହିଛନ୍ତି ।
#WATCH | Alaska, USA | US President Donald Trump says, “We had a very productive meeting, there were many points that we agreed on. Couple of big ones that we haven’t quite gotten there but we made some headway. There’s no deal until there’s a deal so I will call up NATO in a… pic.twitter.com/mY5t9zkoCT
— ANI (@ANI) August 15, 2025
