ସମାଜ ପୋର୍ଟାଲ୍ ଡେସ୍କ: କେନ୍ଦ୍ର ସରକାରଙ୍କ ଅନୁରୋଧ ପରେ ଲକ୍ଡାଉନ୍ ସମୟରେ ବୁଧବାର ପଶ୍ଚିମ ବଙ୍ଗ ସରକାର ଝୋଟ ଶିଳ୍ପ ଖୋଲିବା ପାଇଁ ଅନୁମତି ଦେଇଛନ୍ତି। ଏଥିରେ ମାତ୍ର ୧୫ପ୍ରତିଶତ ମାନବ ସମ୍ବଳ ନିୟମିତ କାର୍ୟ୍ୟ କରିବା ଲାଗି କୁହାଯାଇଛି। ଇଣ୍ଡଷ୍ଟ୍ରି କ୍ୟାପଟେନ କହିଛନ୍ତି ଯେ ମାତ୍ର ୧୫ ପ୍ରତିଶତ କର୍ମଚାରୀରେ ମିଲ୍ ଖୋଲିବାକୁ ଅନେକ ଅନିଚ୍ଛା ପ୍ରକାଶ କରିଛନ୍ତି। ଏହାଦ୍ୱାରା ମିଲ୍କୁ ବୃହତ୍ତର କ୍ଷତି ସହିବାକୁ ପଡ଼ିବ। ତେଣୁ ମିଲ୍କୁ ବନ୍ଦ ରଖିବା ପାଇଁ ସେମାନେ ନିବେଦ କରିଛନ୍ତି। ଏହାସହିତ କମ୍ ସଂଖ୍ୟକ କର୍ମଚାରୀ କେଉଁ ଯୋଗ୍ୟତା ଓ ଅଭିଜ୍ଞତା ଆଧାରରେ ମନୋନୟନ କରାଯିବା ତାହା କୁହାଯାଇନାହିଁ। ଫଳରେ ଏହା କର୍ମଚାରୀଙ୍କ ମଧ୍ୟରେ ଅସନ୍ତୋଷର ଦାନା ବାନ୍ଧିବ ଓ ଆଇନ ଶୃୃଙ୍ଖଳା ପରିସ୍ଥିତି ସୃଷ୍ଟି ହେବ।
ମୁଖ୍ୟମନ୍ତ୍ରୀ ମମତା ବାର୍ନାଜୀ କହିଛନ୍ତି ଯେ ମୁଁ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କ ସହିତ ଟେଲିଫୋନରେ କଥାବାର୍ତ୍ତା କରିଛି। ଏହା ସହିତ ମହାରାଷ୍ଟ୍ର, ତେଲେଙ୍ଗାନା ମଧ୍ୟ ମିଲ୍ ଚାଲୁ ରଖିବାକୁ ଅନୁରୋଧ କରିଛନ୍ତି। ବର୍ତ୍ତମାନ ରାଜ୍ୟରେ ଝୋଟ ଅମଳ ଋତୁ ଆରମ୍ଭ ହେବାକୁ ଯାଉଛି। ଯଦି ଏବେ ମିଲ୍ଗୁଡ଼ିକ କାର୍ୟ୍ୟକ୍ଷମ କରାନଯାଏ, ତାହେଲେ ଝୋଟର ଜାଗା ପ୍ଲାଷ୍ଟିକ୍ ନେଇପାରେ।
