ପାଟଣା : ପାଟଣା ବ୍ଲକ ଅନ୍ତର୍ଗତ ବଡ଼ପାଟଣା ପଞ୍ଚାୟତର ଗୁଳୁଦିପଶି ଗ୍ରାମରେ ୧୫ ଦିନ ହେବ ପାନୀୟ ଜଳ ଯୋଗାଣ ବନ୍ଦ ହୋଇଯାଇଛି। ବସୁଧା ଯୋଜନାରେ ବଡ଼ ପାଣି ଟାଙ୍କି ହୋଇଛି କିନ୍ତୁ ଘରକୁ ପାଣି ଆସିବା ବନ୍ଦ ହେବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏଥିଲାଗି ସେମାନେ ପ୍ରଥମ ଦିନରୁ ପାଣି ବ୍ୟବସ୍ଥା କରିବାକୁ ଆବେଦନ କଲେ ମଧ୍ୟ ପଞ୍ଚାୟତରେ କେହି ଶୁଣିବାକୁ ନାହିଁ। ବହୁତ ଦିନ ହେବ ଓଭର ହେଡ଼ ପାଣି ଟାଙ୍କି ତିଆରି ସରିଥିଲେ ମଧ୍ୟ ପାନୀୟ ଜଳ ଯୋଗାଣ ହୋଇନଥିଲା। ତେବେ ପାଣି ଯୋଗାଣ ହେବା ପରେ ପୁଣି ବନ୍ଦ ହେବାରୁ ଲୋକଙ୍କ ଭିତରେ ପ୍ରବଳ ଅସନ୍ତୋଷ ପ୍ରକାଶ ପାଇଛି। ପାଖରେ ଆଉ ପିଇବା ପାଣି ବ୍ୟବସ୍ଥା ନଥିବାରୁ ଏହି ପାଣି ଟାଙ୍କି ହିଁ ଏକମାତ୍ର ସାହା ଭରସା। ବୈଷୟିକ ତୃଟିକୁ ସଜାଡି ସ୍ବାଭାବିକ କରି ଜଳ ଯୋଗାଣ ତୁରନ୍ତ ପ୍ରଦାନ କରିବାକୁ ଗ୍ରାମବାସୀ ମିଳିତ ଭାବେ ପଞ୍ଚାୟତ, ବ୍ଲକ୍ ଓ ଜିଲ୍ଲା ପ୍ରଶାସନକୁ ଅନୁରୋଧ କରିଛନ୍ତି।
ରିଲ୍ସ ନିଶାରେ ଝିଅଟି କଲା ଏମିତି କାମ, ଯନ୍ତ୍ରଣାରେ ହେଲା ଛଟପଟ: ଭିଡିଓ ଭାଇରାଲ
