ଅନୁଗୋଳ : ମୃତ୍ୟୁ ପରେ ନିଜର କିଡନୀ ଦାନ କରି ଅମର ହେଲେ ଅନୁଗୋଳର ବିଶ୍ବଜିତ ଦାସ। ଗତ ୬ ଦିନ ତଳେ ଦୁର୍ଘଟଣାରେ ଗୁରୁତର ଆହତ ହୋଇ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେବା ପରେ ଆଜି ଡାକ୍ତର ତାଙ୍କ ବ୍ରେନ୍ଡେଡ ଘୋଷଣା କରିଥିଲେ। ପରେ ତାଙ୍କ ପରିବାର ଲୋକଙ୍କ ସହମତିରେ ଦୁଇଟି ଯାକ କିଡ୍ନୀ କଢାଯାଇଥିଲା। ଗୋଟିଏ କିଡ଼ନୀ ସେହି ଘରୋଇ ହସ୍ପିଟାଲରେ ପ୍ରତ୍ୟାରୋପଣ କରାଯାଇଥିବା ବେଳେ ଅନ୍ୟଟି କଟକ ଏସସିବିକୁ ଅଣାଯାଇଥିଲା। ଏସସିବିରେ ଜଗତସିଂହପୁର ଅଞ୍ଚଳର ସୁନିଲ୍ ନାୟକ ନାମକ ଜଣେ ଯୁବକଙ୍କ ଶରୀରରେ ଗୋଟିଏ କିଡନୀ ସଫଳ ପ୍ରତ୍ୟାରୋପଣ କରାଯାଇଛି। ସୁନିଲ୍ଙ୍କ ଦୁଇଟି ଯାକ କିଡନୀ ନଷ୍ଟ ହୋଇଯାଇଥିବା ବେଳେ ତାଙ୍କୁ ୫ ବର୍ଷ ହେଲା ଡାଏଲେସିସ କରାଯାଉଥିଲା। ଏସସିବିର ନେଫ୍ରୋଲୋଜି ଓ ୟୁରୋଲୋଜି ବିଭାଗ ସହ ଆନେସ୍ଥେସିଆ ବିଭାଗର ଡାକ୍ତରଙ୍କ ସହଯୋଗରେ ଏହି ସଫଳ ପ୍ରତ୍ୟାରୋପଣ କରାଯାଇଛି। ବିଶ୍ୱଜିତଙ୍କ ପରିବାରର ଏହି ମହତପଣିଆ ପାଇଁ ଆଜି ସବୁଠି ତାଙ୍କୁ ପ୍ରଶଂସା କରାଯାଇଛି।
Popular Categories
Previous article
Next article