ନୂଆଦିଲ୍ଲୀ : ଅନେକ ସମୟରେ ସୋସିଆଲ ମିିଡିଆରେ ଏପରି କେତେକ ଭିଡିଓ ଭାଇରାଲ ହୋଇଥାଏ,ଯାହାକୁ ଦେଖି ଲୋକେ ଚକିତ ହୋଇଥାଆନ୍ତି। ନିକଟରେ ଏଭଳି ଏକ ଭିଡିଓ ବେଶ ଭାଇରାଲ ହେଉଛି। ଭୋଜି ମାନଙ୍କରେ ଶାକାହାରୀ ଭୋଜନ ମଧ୍ୟରେ ପନିର୍ ବ୍ୟଞ୍ଜନ ନିଶ୍ଚୟ ରହିଥାଏ। ତେବେ ପନିର୍ ପାଇଁ ବିବାହ ଭୋଜି ପାଲଟିଛି ରଣକ୍ଷେତ୍ର। ଆଜ୍ଞା ହଁ କଥାଟା ଶୁଣିବାକୁ କାନକୁ ଆଶ୍ଚର୍ଯ୍ୟ ଲାଗିଲେ ମଧ୍ୟ ସତ। ବିବାହ ଚାଲି ଥିବା ସମୟରେ ଅତିଥି ଆସି ଭୋଜି ଖାଉଥିଲେ। ଏହା ମଧ୍ୟରେ ହଠାତ୍ ବର ଓ କନ୍ୟା ପକ୍ଷ ମୁହାଁମୁହିଁ ହେବା ସହ ଝଗଡା କରିବା ଆରମ୍ଭ କରିଥିଲେ।
@gharkekalesh pic.twitter.com/dQPbUSwBXL
— Arhant Shelby (@Arhantt_pvt) December 20, 2023
ବିବାହ ଭୋଜି ଚାଲିଥିବା ସମୟରେ ମଟର ପନିର୍ ତରକାରୀରେ ପନିର୍ ନଥିବାରୁ ବର ଓ କନ୍ୟା ପକ୍ଷଙ୍କ ମଧ୍ୟରେ ଖଣ୍ଡଯୁଦ୍ଧ ହୋଇଛି। ତରକାରୀରେ ପନିର୍ ନଥିବାରୁ ଉଭୟ ବର ଓ କନ୍ୟା ପକ୍ଷ ଖୁବ୍ ଜୋର୍ରେ ମାଡ୍ପିଟ୍ ହୋଇଛନ୍ତି। ପରସ୍ପରକୁ ମୁଥା, ଗୋଇଠା,ଚାପୁଡା ଆଦି ମାରିବା ସହ ଚେୟାର ଫିଙ୍ଗି ଥିଲେ। ଖବର ପାଇ ପୁଲିସ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିବା ସହ ପନିର୍ ପାଇଁ ଏଭଳି ହୋଇଥିବା ଜାଣିବାକୁ ପାଇଥିଲେ। ଘଟଣା କେଉଁ ସ୍ଥାନର ଜଣାପଡିନଥିବା ବେଳେ ଏହି ଭିଡିଓକୁ ଲକ୍ଷାଧିକ ଲୋକେ ଦେଖି ସାରିଲେଣି।
Comments are closed.