ସମାଜ ଡିଜିଟାଲ ଡେସ୍କ: ଭାରତର ଅଲିମ୍ପିକ୍ ଅଭିଯାନକୁ ଲାଗିଛି ଶକ୍ତ ଝଟ୍କା। ପ୍ୟାରିସ୍ ଅଲିମ୍ପିକ୍ସରୁ ଅଯୋଗ୍ୟ ଘୋଷିତ ହୋଇଛନ୍ତି ଭାରତର ତାରକା ମହିଳା କୁସ୍ତିଯୋଦ୍ଧା ବିନେଶ ଫୋଗତ। ଧାର୍ଯ୍ୟଠାରୁ ଅଧିକ ଓଜନ ହେବାରୁ ଅଯୋଗ୍ୟ ଘୋଷଣା କରାଯାଇଥିବା ସୂଚନା ମିଳିଛି। ଧାର୍ଯ୍ୟ ଓଜନ ୫୦ କିଲୋରୁ ମାତ୍ର କିଛି ଗ୍ରାମ୍ ଅଧିକ ହେବାରୁ ତାଙ୍କୁ ଅଯୋଗ୍ୟ ଘୋଷଣା କରାଯାଇଛି।
ସୂଚନାଯୋଗ୍ୟ, ୫୦ କିଲୋ ମହିଳା କୁସ୍ତି ବର୍ଗରେ ମଙ୍ଗଳବାର ଫାଇନାଲକୁ ଉତ୍ତୀର୍ଣ୍ଣ ହୋଇ ଇତିହାସ ରଚିଥିଲେ ବିନେଶ। ଆଜି ରାତିରେ ସେ ଫାଇନାଲ ଖେଳିବାର ଥିଲା।
