ବୁର୍ଲା: ଆଜି ବୁର୍ଲା ଭିମସାର ସିଟିସ୍କାନ ବିଭାଗ କୋଠାରେ ଏକ ବଡଧରଣର ଅଘଟଣ ଘଟିଛି । ଜଣେ ରୋଗୀଙ୍କ ସିଟି ସ୍କାନ ପରୀକ୍ଷା ହେଉଥିବା ସମୟରେ ହିଁ ଏହି ଅଘଟଣ ଘଟିଥିବା ବେଳେ ରୋଗୀ ଏବଂ ତାଙ୍କ ସମ୍ପର୍କୀୟ ଅଳ୍ପକେ ବଡ ଧରଣର ଅଘଟଣରୁ ବର୍ତ୍ତି ଯାଇଥିଲେ । ଏହି ସିଟିସ୍କାନ କୋଠାର ଛାତର ସିଲିଂର ଏକ ବିଶାଳ ଅଂଶ ହଠାତ ଖସି ପଡିଥିଲା ବେଳେ ଠିକ୍ ସେହି ସମୟରେ ସିଟି ସ୍କାନ ମେସିନ ମଧ୍ୟରେ ଜଣେ ରୋଗୀଙ୍କୁ ପରୀକ୍ଷା ପାଇଁ ରଖା ଯାଇଥିଲା । ହଠାତ କୋଠାର ଉପରେ ଥିବା ସିଲିଙ୍ଗ ଏବଂ ଛାତ ଅତଡା ଖସି ପଡିଥିଲା ଏବଂ ସେହି ସମୟରେ ବୈଦ୍ୟୁତିକ ଜୀବନ୍ତ ତାର ମଧ୍ୟ ସେଠାରେ ଛିଣ୍ଡି ପଡିଥିଲା । କିନ୍ତୁ ଏଥିରେ ରୋଗୀ ଜଣକ ଏବଂ ତାଙ୍କର ସମ୍ପର୍କୀୟମାନେ ଅଳ୍ପକେ ମୃତ୍ୟୁ ମୁଖରୁ ରକ୍ଷା ପାଇ ଯାଇଥିବା ବେଳେ ତାଙ୍କର କୌଣସି କ୍ଷତି ହୋଇନାହିଁ ।
ଏପରି ଭାବରେ ନିମ୍ନମାନର କାମ କରାଯାଇଥିବା ଯୋଗୁଁ ଏବଂ ରକ୍ଷଣବେକ୍ଷଣା ଅଭାବରୁ ସିଲିଙ୍ଗ ଖସି ଯାଇଥିବା ଅନୁମାନ କରାଯାଉଛି। ତେବେ ଏଭ ଳୀ ବିପଦା ପର୍ଣ୍ଣ ସ୍ଥିତିରେ ରହିଥିବା ସିଟି ସ୍କାନ କୋଠାର ଶୀଘ୍ର ଅତିଶିଘ୍ର ମରାମତି କରା ନ ଗଲେ ଉକ୍ତ କୋଠାରେ ସିଟି ସ୍କାନ ପରୀକ୍ଷା କରାଯିବା ସମ୍ଭବପର ହେବ ନାହିଁ। ସେପଟେ ଏଭଲି ଭାବରେ ପୂର୍ବରୁ ମଧ୍ୟ କେତେକ ବିଭାଗ ମଧ୍ୟରେ ସିଲିଂ ଖସି ଯାଇଥିବାର ଦୃଷ୍ଟାନ୍ତ ମଧ୍ୟ ରହିଛି। ତୁରନ୍ତ ଏହାର ମରାମତି କରିବାକୁ ରୋଗୀ ମହଲରେ ଦାବି ହୋଇଛି । ଛାତ ସିଲିଂ ଖସିବା ପରେ ଏହାର ଅତଡା ସିଟିସ୍କାନ ମେସିନର ଶଯ୍ୟା ମେସିନରେ ପଡିବା ସହିତ କୋଠରୀର ବିଭିନ୍ନ ସ୍ଥାନରେ ବିଛାଡ଼ି ହୋଇ ପଡିଥିବା ଦେଖିବାକୁ ମିଳିଛି ।
