ନୟାଗଡ଼: ନୟାଗଡ ଏମଭିଆଇ ପଞ୍ଚାନନ ବେହେରା ଭିଜିଲାନ୍ସ ଜାଲରେ ପଡିଛନ୍ତି । ମଙ୍ଗଳବାର ସକାଳୁ ଭିଜିଲାନ୍ସ ର ୫ ଜଣିଆ ଟିମ୍ ପଞ୍ଚାନନଙ୍କ ଘରେ ଚଢଉ ଜାରି ରଖିଥିଲା । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ବିଭାଗ ରେଡ୍ କରାଯାଇଥିଲା। ଏକକାଳୀନ ୭ଟି ସ୍ଥାନରେ ରେଡ୍ କରିବା ପରେ ପଞ୍ଚାନନଙ୍କର ୨୭ଟି ପ୍ଲଟ୍ ଠାବ କରିଛି ଭିଜିଲାନ୍ସ।
ଭୁବନେଶ୍ବରରେ ୧୦ଟି ବେନାମୀ ପ୍ଲଟ୍ ସମେତ ମୋଟ୍ ୨୭ଟି ପ୍ଲଟ୍ ଠାବ କରାଯାଇଛି। ୪ଟି ବେନାମୀ ଚାରି ଚକିଆ ଗାଡି ସହ ଅନ୍ୟ ସମ୍ପତ୍ତି ମଧ୍ୟ ଠାବ କରାଯାଇଛି। ଭୁବନେଶ୍ବରରେ ଥିବା ଭଡାଘର , ୩ଟି ପୈତୃକ ଘର , କଟକ ସାଲେପୁରରେ ଥିବା ପୈତୃକ ଘର ସମେତ ଏକକାଳୀନ ୭ଟି ସ୍ଥାନରେ ଚଢାଉ କରାଯାଇଥିଲା । ସେହିପରି ଖୋର୍ଦ୍ଧା ଜିଲ୍ଲା ଗୋବିନ୍ଦପୁର ଓ ଭୁବନେଶ୍ୱର ପାଣ୍ଡରାରେ ଥିବା ସଂପର୍କୀୟଙ୍କ ଘରେ ମଧ୍ୟ ଟିମ୍ ଚଢ଼ାଉ କରିଥିଲା।
