ଭୁବନେଶ୍ୱର : ଭିଜିଲାନ୍ସ ଜାଲରେ ସୋମବାର ଧରାପଡିଲେ ସ୍ପେଶାଲକ୍ଲାସ କଣ୍ଟ୍ରାକ୍ଟର ବିଜୟ ଅଗ୍ରୱାଲ। ଏହାସହ ପାୱାର ଅଫ ଆଟର୍ଣ୍ଣି ନେଇଥିବା ଦୀପକ ଅଗ୍ରୱାଲଙ୍କୁ ମଧ୍ୟ ଗିରଫ କରିଛି ଭିଜିଲାନ୍ସ। ସରକାରୀ ଅର୍ଥ ତୋଷରପାତ ଅଭିଯୋଗରେ ଭିଜିଲାନ୍ସ ସୋମବାର ଉଭୟଙ୍କୁ ଗିରଫ କରିଛି। ୪ଟି ୧୦୦ ସିଟ ବିଶିଷ୍ଟ ଏସସି ହଷ୍ଟେଲ ପାଇଁ ଆସିଥିବା ଅର୍ଥ ହେରଫେର ମାମଲାରେ ଭିଜିଲାନ୍ସ ତାଙ୍କୁ ଗିରଫ କରିଛି। ଭିଜିଲାନ୍ସ ତଦନ୍ତ ଆରମ୍ଭ ଦିନ ଠାରୁ ଉଭୟ ଫେରାର ଥିଲେ। ସେମାନଙ୍କ ବଲାଙ୍ଗୀର ଘରୁ ବାରମ୍ବାର ଭିଜିଲାନ୍ସ ଟିମ୍ ଫେରିଥିଲା। ଉଭୟଙ୍କୁ ରାଉରକେଲାରୁ ଗିରଫ କରି କଟକ ଆଣିଛି ଭିଜିଲାନ୍ସ। କଟକ ଭିଜିଲାନ୍ସ କାର୍ଯ୍ୟାଳୟରେ ଉଭୟଙ୍କୁ ପଚରାଉଚରା କରାଯିବା ସହ ତଦନ୍ତ ଜାରି ରହିଛି।
Comments are closed.