ନୂଆଦିଲ୍ଲୀ : ସୋସିଆଲ ମିଡିଆରେ ଅନେକ ସମୟରେ ଜଙ୍ଗଲ ସଫାରୀର ଭିଡିଓ ଭାଇରାଲ ହେଉଥାଏ । ସାଧାରଣତଃ ଜଙ୍ଗଲୀ ଜୀବଜନ୍ତୁଙ୍କ ନାମ ଶୁଣିଲେ କିମ୍ବା ନିକଟରୁ ଦେଖିଲେ ଭୟ ଲାଗି ଥାଏ । ମାତ୍ର ଅନେକ ଲୋକେ ଜଙ୍ଗଲ ସଫାରୀକୁ ପସନ୍ଦ କରି ଥାଆନ୍ତି । ସଫାରୀ ସମୟରେ ଜୀବଜନ୍ତୁଙ୍କ ଅନେକ ଭିଡିଓକୁ କ୍ୟାମେରାରେ କଏଦ କରି ଥାଆନ୍ତି।
୧୬ ଅଗଷ୍ଟରେ ୨ ଦୁର୍ଲ୍ଲଭ ଯୋଗ: ୫ ରାଶିଙ୍କୁ ମିଳିବ ଲାଭ ହିଁ ଲାଭ, ବଦଳିଯିବ ଭାଗ୍ୟ, ରହିବିନି ଚିନ୍ତା..
ନିକଟରେ ସୋସିଆଲ ମିଡିଆରେ ଜଙ୍ଗଲ ସଫାରୀର ଏକ ନୂଆ ଭିଡିଓ ଖୁବ୍ ଭାଇରାଲ ହେଉଛି। ଭିଡିଓରେ ଏପରି କିଛି ଦେଖାଯାଉଛି, ଯାହା ବାସ୍ତବିକ ଭୟଭୀତ କରିବ । ଏହି ଭିଡିଓରେ ଜଙ୍ଗଲ ସଫାରୀ ସମୟରେ କିଛି ପର୍ଯ୍ୟଟକ ସିଂହର ନିକଟତର ହେଉଥିବା ନଜର ଆସୁଛି । ମାତ୍ର ତା’ପରେ ଯାହା ହେଲା ଏହାକୁ ଦେଖି ନିଶ୍ଚୟ ପର୍ଯ୍ୟଟକ ଏଭଳି କରିବାରୁ ଦୂରେଇ ରହିବେ।
ଭିଡିଓରେ ଦେଖିପାରିବେ, ଜଣେ ପର୍ଯ୍ୟଟକ ସଫାରୀ ଗାଡି ଭିତରୁ ସିଂହକୁ ସ୍ପର୍ଶ କରିବାକୁ ଚେଷ୍ଟା କରୁଛନ୍ତି । ହଠାତ୍ ସେହି ସମୟରେ ସିଂହ ରାଗି ଯାଇ ଖୁବ୍ ଜୋରରେ ଗର୍ଜନ କରୁଛି । ସିଂହ ଅନ୍ୟ କୌଣସି ପ୍ରତିକ୍ରିୟା ଦେବା ପୂର୍ବରୁ ବ୍ୟକ୍ତି ଜଣକ ତୁରନ୍ତ ନିଜ ହାତ ପଛକୁ ନେଇ ଯାଉଛନ୍ତି । ୩୦ ଜୁଲାଇରେ ଏହି ଭିଡିଓ ଶେୟାର କରାଯାଇଛି।
ଭିଡିଓକୁ ଦେଖି ଲୋକେ ଚିନ୍ତା ପ୍ରକଟ କରିବା ସହ ଭିନ୍ନ ଭିନ୍ନ ମତ ଦେଇଛନ୍ତି । ଏଭଳି ଜୀବଜନ୍ତୁଙ୍କୁ ହଇରାଣ କରିବା ବିପଦପୂର୍ଣ୍ଣ ବୋଲି କହିଛନ୍ତି।
Comments are closed.