ଭୁବନେଶ୍ବର/ଉତ୍ତରଭୁବନେଶ୍ବର : କାର୍ତ୍ତିକ ମାସକୁ ଧର୍ମମାସ ଭାବେ ଗଣନା କରାଯାଇଥାଏ। ଏହି ମାସରେ ଅଧିକାଂଶ ହିନ୍ଦୁଧର୍ମାବଲମ୍ବୀ ଆମିଷ ବଦଳରେ ନିରାମିଷ ଖାଇଥାନ୍ତି। ତେବେ ଚଳିତ ଥର ପରିବା ଦର ଆକାଶଛୁଆଁ ହୋଇଛି। ଆଳୁ କିଲୋ ପ୍ରତି ୪୦ରୁ୪୫ ଟଙ୍କା ଥିବାବେଳେ ପିଆଜ ଦର ୮୦ରୁ ୯୦ ଟଙ୍କା ରହିଛି।
ପିଆଜ ୫୦ କିଲୋ ବସ୍ତା ପ୍ରତି ଦର ଭୁବନେଶ୍ବରରେ ୨୮ଶହରୁ ୩ ହଜାର ଟଙ୍କା ରହିଛି। ସେହିପରି ଆଳୁର ୫୦ କିଲୋ ବସ୍ତା ପ୍ରତି ଦର ପ୍ରାୟ ୧୮ ଶହ ଟଙ୍କା ରହିଛି। ଅନ୍ୟପକ୍ଷରେ ବିନ୍, ଛୁଇଁ ଖୁଚୁରା ଦର କିଲୋ ପ୍ରତି ଶହେ ଟଙ୍କା ରହିଛି। ଟମାଟୋ ୫୦ରୁ ୬୦, କାକୁଡ଼ି ୫୦ରୁ ୬୦ ଟଙ୍କା କିଲୋ ପ୍ରତି ଦର ରହିଛି। ସେହିପରି ଜହ୍ନି, ଭେଣ୍ଡି ଓ ଝୁଡ଼ଙ୍ଗ କିଲୋ ପ୍ରତି ଦର ୮୦ ଟଙ୍କା ରହିଛି। ବନ୍ତଳ କଦଳୀ ଗୋଟା ପ୍ରତି ଦର ୬ରୁ୧୦ଟଙ୍କା ରହିଛି।
ପୂର୍ବରୁ କିଲେ କିଣୁଥିବା ଗ୍ରାହକ ଏବେ ଅଧା କିଲୋ କିଣୁଥିବା ଦେଖିବାକୁ ମିଳୁଛି। ପରିବା ଦର ପକେଟ୍କୁ ବାଧୁଥିବାରୁ ପ୍ରତିଦିନ କ’ଣ ରୋଷେଇ କରାଯିବା ତାକୁ ନେଇ ଗୃହିଣୀଙ୍କ ଚିନ୍ତା ବଢ଼ିବାରେ ଲାଗିଛି। ଆଳୁ ଓ ପିଆଜ ସବୁଥିରେ ଦରକାର ଥିବାରୁ ଏହାର ବ୍ୟବହାର ଏବେ କମିବାରେ ଲାଗିଛି।
