ଏହା ସଭିଁଙ୍କୁ ଜଣା ଦେଶ ସ୍ୱାଧୀନ ହେବା ପୂର୍ବରୁ ଭାରତରେ ରାଜାଙ୍କ ଶାସନ ରହିଥିଲା। ୧୯୪୭ ମସିହା ପରେ ରାଜା ଶାସନ ବ୍ୟବସ୍ଥା ଶେଷ ହୋଇଥିଲା। ମାତ୍ର ବର୍ତ୍ତମାନ ମଧ୍ୟ ରାଜ ପରିବାର ସମ୍ପତିକୁ ନେଇ କଳହ ଲାଗି ରହିଛି ବୋଲି କୁହାଯାଉଛି।
ଏପରି ଏକ ଘଟଣା ଉତ୍ତରପ୍ରଦେଶର ରାମପୁରରେ ଘଟିଛି। ସେଠାକାର ଶେଷ ନବାବ ଅର୍ଥାତ ରାଜା ଅଲୀ ଖାନଙ୍କ ସମ୍ପତ୍ତିକୁ ନେଇ ମାମଲାରେ ତାଙ୍କ ପୁଅ କାଜିମ ଅଲୀ ଖାନ ଓରଫ ନବେଦ ହୀରା ଓ ଅନ୍ୟ ମୂଲ୍ୟବାନ ଧାତୁ ଖଞ୍ଜା ହୋଇଥିବା ରାଜ ସିଂହାସନ ଚୋରି ହୋଇଥିବା ଅଭିଯୋଗ କରିଛନ୍ତି। ତାଙ୍କ ମତରେ ସେହି ସିଂହାସନର ମୂଲ୍ୟ ପ୍ରାୟ ୫ କୋଟି ଟଙ୍କା ହେବ।
ଏହାସହ ସେ କହିଥିଲେ ସିଂହାସନର ମୂଲ୍ୟ ସେମାନଙ୍କ ଠାରୁ ଆଦାୟ କରାଯିବ ଯାହାଙ୍କ ଅଧିନରେ ନବାନଙ୍କ ମହଲ (ରାଜପ୍ରସାଦ) ରହିଥିଲା। ସିଂହାସନ ମୂଲ୍ୟ , ତାହାର ଥିବା ଫଟୋରୁ , ଏହାର ମୂଲ୍ୟ ୫ କୋଟି ହେବ ବୋଲି କହିଥିଲେ।
ନବେଦଙ୍କ ମତାନୁଯାୟୀ, ୨ଟି ସିଂହାସନ ଥିଲା। ଗୋଟିଏ ରାଜ ଦରବାରର ସଭା ସ୍ଥାନରେ ରଖାଯାଇଥିଲା ଓ ୨ୟଟି ଅନ୍ୟ ଏକ ମହଲାରେ ରଖାଯାଥିଲା। ଯାହା ଚାନ୍ଦିର ଥିଲା। ୧୯୪୯ରେ ଏହାକୁ ଅଣାଯାଇଥିଲା। ଏହାସହ ସେ କହିଥିଲେ ଏହା କେବଳ ରାଜାଙ୍କର ନୁହେଁ ବରଂ ସାରା ଦେଶର ସମ୍ପତ୍ତି।
