ଡେରାଡୁନ୍ : ଉତ୍ତରାଖଣ୍ଡର ଉତ୍ତରକାଶୀରେ ଏକ ୧୦୦ ମିଟର ଗଭୀର ଖାଇକୁ ଏକ ଟେମ୍ପୋ ଖସିପଡ଼ି ଅନୁ୍ୟନ୍ ୧୩ ଜଣଙ୍କ ମୃତୁ୍ୟ ଘଟିଛି ଓ ୨ ଜଣ ଆହତ ହୋଇଛନ୍ତି । ୨୨ ସିଟ୍ର ଟେମ୍ପୋ ଟ୍ରାଭେଲରଟି ଗଙ୍ଗୋତ୍ରିରୁ ଫେରୁଥିଲେ । ସେଥିରେ ୧୫ରୁ ଊଦ୍ଧ୍ୱର୍ ଯାତ୍ରୀ ବସିଥିଲେ । ସମାନେ ଭକୋଂଲି ନାଗ ଦେବତାଙ୍କ ପାଲିଙ୍କି ନେଇ ଗଙ୍ଗୋତ୍ରି ଧାମରୁ ଫେରୁଥିଲେ । କୁହାଯାଉଛି ପାହାଡ଼ କଡ଼ରେ ଏକ ବଡ଼ ମାଟି ଅତଡ଼ା ଖସି ଏହି ଦୁର୍ଘଟଣା ଘଟିଛି । ଭୂ-ସ୍ଖଳନ ମଧ୍ୟକୁ ଗାଡ଼ିଟି ଆସିଯିବାରୁ ଖାଇ ତଳକୁ ଖସି ପଡ଼ିଥିଲା । ଜିଲାପାଳ, ଏସ୍ପିଙ୍କ ସମେତ ଅନ୍ୟ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରୁଛନ୍ତି । ପାଣିପାଗ ଖରାପ ଥିବାରୁ ମୃତଦେହ ଉଦ୍ଧାର କରାଯାଇ ପାରିନାହିଁ ।
