ନୂଆଦିଲ୍ଲୀ : ଉତ୍ତର ପ୍ରଦେଶ ସରକାର ହାଇବ୍ରିଡ୍ କାରର ରେଜିଷ୍ଟ୍ରେସନ ଫି ସମ୍ପୂର୍ଣ୍ଣ ଛାଡ କରିଦେଇଛନ୍ତି । ଏହା ବ୍ୟତୀତ ରୋଡ୍ ଟ୍ୟାକ୍ସରେ ମଧ୍ୟ ରିହାତି ଦିଆଯାଉଛି । ୟୁପି ସରକାରଙ୍କ ଏହି ନିଷ୍ପତ୍ତି ଫଳରେ ରାଜ୍ୟବାସୀ କମ୍ ଦାମରେ ହାଇବ୍ରିଡ୍ କାର୍ କିଣିପାରିବେ । ଏହା ସହିତ ମାରୁତି ସୁଜୁକି, ଟୋୟୋଟା ଏବଂ ହୋଣ୍ଡା କାର ଭଳି କମ୍ପାନୀମାନଙ୍କୁ ମଧ୍ୟ ଏହାର ଫାଇଦା ମିଳିବ ।
ଉତ୍ତର ପ୍ରଦେଶ ସରକାର ହାଇବ୍ରିଡ୍ ଏବଂ ପ୍ଲଗ୍ ଇନ୍ ହାଇବ୍ରିଡ୍ କାରରେ ରେଜିଷ୍ଟ୍ରେସନ ଫିକୁ ୧୦୦ ପ୍ରତିଶତ ଛାଡ କରିଛନ୍ତି ଯାହାକି ତତ୍କାଳ ପ୍ରଭାବରେ ଲାଗୁହୋଇଛି । ୟୁପି ସରକାର ୧୦ ଲକ୍ଷ ଟଙ୍କାର କମ୍ ଦାମ୍ ବିଶିଷ୍ଟ ଚାରିଚକିଆ ଯାନରେ ୮ ପ୍ରତିଶତ ଏବଂ ୧୦ ଲକ୍ଷ ଟଙ୍କାରୁ ଅଧିକ ଦାମୀ ଗାଡିରେ ୧୦ ପ୍ରତିଶତ ରୋଡ୍ ଟ୍ୟାକ୍ସ ଚାର୍ଜ କରିଥାନ୍ତି ।
ଇକୋ ଫ୍ରେଣ୍ଡଲି ଗାଡିକୁ ପ୍ରୋତ୍ସାହନ ଦେବା ପାଇଁ ୟୁପି ସରକାର ଏମିତି ପଦକ୍ଷେପ ଉଠାଉଛନ୍ତି । ୨୦୨୫ ଅକ୍ଟୋବର ପର୍ଯ୍ୟନ୍ତ ଏହି ଛାଡ ଦିଆଯାଇଛି । ଉପଭୋକ୍ତା ଏହି ସମୟ ମଧ୍ୟରେ ରିହାତିର ଫାଇଦା ଉଠାଇପାରିବେ । ସୂଚନାଯୋଗ୍ୟ ଉତ୍ତର ପ୍ରଦେଶ ଭାରତର ସବୁଠାରୁ ବଡ କାର ବଜାର ମଧ୍ୟରୁ ଗୋଟିଏ ଯାହା ବିଶ୍ବର ତୃତୀୟ ସବୁଠାରୁ ବଡ ଅଟୋମୋବାଇଲ ବଜାରର ୧୦ ପ୍ରତିଶତ । ୨୦୨୪ର ପ୍ରଥମ ୬ମାସରେ ୟୁପିରେ ୨,୩୬,୦୯୭ ୟୁନିଟ୍ ଗାଡି ବିକ୍ରି ହୋଇଛି ଯାହା ୨୦୨୩ର ପ୍ରଥମ ୬ ମାସରେ ବିକ୍ରି ହୋଇଥିବା ଗାଡି ତୁଳନାରେ ୧୩.୪୬ ପ୍ରତିଶତ ଅଧିକ ।
ବିଶ୍ୱ ଡିଜିଟାଲ କାରବାରର ବିଶ୍ୱସନୀୟ ମଡେଲ ପ୍ରଦାନ କରୁଛି ଭାରତ – ମୋଦୀ
Comments are closed.