ୟୁପି: ଉତ୍ତରପ୍ରଦେଶରେ ବିଧାନସଭା ଉପନିର୍ବାଚନ ନେଇ ବଡ ଖବର ସାମ୍ନାକୁ ଆସିଛି । ଲୋକସଭା ନିର୍ବାଚନରେ ସଫଳତା ମିଳିବା ପରେ ଏଠାରେ ବିଧାନସଭା ଉପନିର୍ବାଚନରେ ମଧ୍ୟ କଂଗ୍ରେସ ଓ ସମାଜବାଦୀ ପାର୍ଟି ମେଣ୍ଟ କରି ନିର୍ବାଚନ ଲଢିବାକୁ ଯାଉଛନ୍ତି । ୧୦ବର୍ଷ ହେବ ବିଜେପି ଏଠାରେ ସରକାରରେ ଥିବାରୁ ଏଥର ବିଜେପିକୁ ମାତ ଦେବା ପାଇଁ ହାତ ମିଳାଇଛନ୍ତି କଂଗ୍ରେସ ଓ ସମାଜବାଦୀ ପାର୍ଟି । ୧୦ଟି ବିଧାନସଭା କ୍ଷେତ୍ରରେ ଉପନିର୍ବାଚନ ହେବାକୁ ଥିବାରୁ ଏଠାରେ ମିଳିତ ଭାବେ ନିର୍ବାଚନ ଲଢିବାକୁ ଅଣ୍ଟା ଭିଡ଼ିଛନ୍ତି ବିରୋଧୀ । କୁହାଯାଉଛି ଯେ ୧୦ଟି ଆସନରୁ କଂଗ୍ରେସ ୩ଟି ଆସନରେ ଏବଂ ସମାଜବାଦୀ ପାର୍ଟି ୭ଟି ଆସନରେ ନିର୍ବାଚନ ଲଢିପାରନ୍ତି । ଏନେଇ କଂଗ୍ରେସ ପକ୍ଷରୁ ଆସନ୍ତା ୨୧ ତାରିଖରେ ସମସ୍ତ ଜିଲ୍ଲା ମୁଖ୍ୟଙ୍କ ସହିତ ଏକ ଜରୁରୀ ବୈଠକ ହେବାକୁ ଯାଉଛି । ତେବେ ଉପନିର୍ବାଚନ ହେବାକୁ ଥିବା ୧୦ଟି ଆସନରୁ ସମାଜବାଦୀ ପାର୍ଟି ପାଖରେ ପୂର୍ବରୁ ୫ଟି ସିଟ୍ ରହିଆସିଛି ।
Comments are closed.