ପ୍ରତାପଗଡ଼ : ଉତ୍ତର ପ୍ରଦେଶ ପ୍ରତାପଗଡ଼ଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୧୦ ଜଣଙ୍କ ମୃତ୍ୟୁ ଘଟିଛି । ସୂଚନା ଅନୁସାରେ ଜୌନପୁର ଜିଲାର କେତେକ ଲୋକ ଏକ ଅଟୋରେ ଚୌହରଜନ ଦେବୀ ପୀଠକୁ ଯାଉଥିବାବେଳେ ପ୍ରତାପଗଡ଼ ନିକଟରେ ଏକ ଦ୍ରୁତଗାମୀ ଟ୍ରକ୍ ଅଟୋକୁ ମୁହାଁମୁହିଁ ଧକ୍କା ଦେଇଥିଲା । ଦୁର୍ଘଟଣାରେ ଟେମ୍ପୋରେ ଥିବା ୧୦ ଯାତ୍ରୀ ପ୍ରାଣ ହରାଇଥିବାବେଳେ ୩ ଜଣ ଗୁରୁତର ଆହତ ହୋଇଛନ୍ତି । ପୁଲିସ୍ ସୂଚନା ଅନୁସାରେ ପ୍ରତାପଗଡ଼ ଜିଲାର ଫତନପୁର-ଜଗତପୁର କ୍ରସିଂରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ପରେ ଟ୍ରକ୍ ଚାଳକ ଘଟଣାସ୍ଥଳରୁ ଫେରାର ହୋଇଯାଇଛି । ପୁଲିସ୍ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ରାଜ୍ୟ ସରକାର ମୃତକଙ୍କ ପରିବାରବର୍ଗଙ୍କ ପାଇଁ ୨ ଲକ୍ଷ ଓ ଆହତଙ୍କ ପାଇଁ ୫୦ ହଜାର ଲେଖାଏଁ କ୍ଷତିପୂରଣ ରାଶି ଘୋଷଣା କରିଛନ୍ତି ।
