କୋଭିଡ୍ ନୂଆ ପ୍ରକରଣ ଏକ୍ସବିବି୧.୧୬, ଓଡିଶାରେ ୧୭ ଦେଶରେ ଗୋଟିଏ ଦିନରେ ୧୫୯୦ ଜଣ କୋଭିଡ୍ ଆକ୍ରାନ୍ତ ଚିହ୍ନଟ
, କୋଭିଡ୍ ମକ୍ଡ୍ରିଲ୍ କରିବା ପାଇଁ ନିର୍ଦେଶ ଦେଲେ କେନ୍ଦ୍ର ସ୍ୱାସ୍ଥ୍ୟ ବିଭାଗ
ନୂଆଦିଲ୍ଲୀ – ଦେଶରେ ଏବେ କୋଭିଡ୍ ସଂକ୍ରମଣ ବୃଦ୍ଧି ପାଇଛି । ଏହାକୁ ଦୃଷ୍ଟିରେ ରଖି ଏପ୍ରିଲ ୧୦ ଏବଂ ୧୧ ତାରିଖରେ ପ୍ରତ୍ୟେକ ରାଜ୍ୟ କୋଭିଡ୍ ମକ୍ ଡ୍ରିଲ୍ କରିବା ପାଇଁ କେନ୍ଦ୍ର ସ୍ୱାସ୍ଥ୍ୱ ବିଭାଗ ନିର୍ଦେଶ ଦେଇଛନ୍ତି । ଓଡିଶାରେ ୧୭ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏହା ରାଜ୍ୟରେ ୧୩୪ ଦିନରେ ସର୍ବାଧିକ ଆକ୍ରାନ୍ତ । ଏବେ ରାଜ୍ୟରେ ୭୩ ଜଣ ସକ୍ରିୟ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଦେଶରେ ଗୋଟିଏ ଦିନର ୧୫୯୦ ଜଣ ନୂଆ କରୋନା ଆକ୍ରାନ୍ତଙ୍କୁ ଚିହ୍ନଟ କରାଯାଇଛି . ଏହା ଗତ ୧୪୬ ଦିନରେ ସର୍ବାଧିକ । ଏଥିପାଇଁ ଅଧିକ କୋଭିଡ୍ ପରୀକ୍ଷଣ ପାଇଁ କେନ୍ଦ୍ର ରାଜ୍ୟମାନଙ୍କୁ ନିର୍ଦେଶ ଦେଇଛନ୍ତି । ସ୍ୱାସ୍ଥ୍ୟବିଭାଗଙ୍କ ସୂଚନା ଅନୁସାରେ ଏବେ ଦେଶରେ ୮୬୦୧ ସକ୍ରିୟ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହା ସରକାରୀ ସଂଖ୍ୟା ହୋଇଥିବା ବେଳେ ପ୍ରକୃତ ସଂଖ୍ୟା ଢେର ଅଧିକ ହୋଇଥିବା ଆଶଙ୍କା କରାଯାଉଛି ।
ଏଥିପାଇଁ ଭୟ ନକରିବାରୁ କେନ୍ଦ୍ର ସ୍ୱାସ୍ଥ୍ୟ ବିଭାଗ କହିଛନ୍ତି । ଅଧିକାଂଶ ଟିକା କରଣ ହୋଇଥିବାରୁ ଲୋକଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥିବା କୁହାଯାଉଛି । ଏକ୍ସବିବି୧.୧୬ କୋଭିଡ୍ ଭୁତାଣୁ ଯୋଗୁଁ ଏବେ ସଂକ୍ରମଣ ବୃଦ୍ଧି ପାଉଥିବା ଅନୁମାନ କରାଯାଇଛି ।
Comments are closed.