ରାଞ୍ଚି: ବିହାର ପରେ ଏବେ ଝାଡ଼ଖଣ୍ଡରେ ମଧ୍ୟ ଏକ ନିର୍ମାଣାଧୀନ ପୋଲ ଭୁଶୁଡ଼ି ପଡ଼ିଛି। ଗିରିଡିହ ଜିଲା ଦେଓରି ବ୍ଲକର ଅର୍ଗା ନଦୀ ଉପରେ ନିର୍ମାଣାଧୀନ ଏହି ସେତୁର ପିଲାର୍ ପ୍ରବଳ ବର୍ଷା ହେତୁ ଦବି ଯିବା କାରଣରୁ ଏହା ଭୁଶୁଡ଼ି ପଡ଼ିଛି। ମିଳିଥିବା ସୂଚନା ମୁତାବକ, ବର୍ତ୍ତମାନସୁଦ୍ଧା ମୃତାହତ ନେଇ କୌଣସି ଖବର ନାହିଁ। ଶନିବାର ରାତିରେ ଝାଡ଼ଖଣ୍ଡର ରାଜଧାନୀ ରାଞ୍ଚିଠାରୁ ପ୍ରାୟ ୨୩୫ କିଲୋମିଟର ଦୂରରେ ଥିବା ଦେଓରି ବ୍ଲକରେ ଘଟିଛି ଏହି ଅଘଟଣ।
#WATCH झारखंड के गिरिडीह में निर्माणाधीन पुल का हिस्सा ढह गया। pic.twitter.com/ueiXHbjrKK
— ANI_HindiNews (@AHindinews) June 30, 2024
ଡୁମ୍ରିଟୋଲା ଏବଂ କରିପହରୀ ଗ୍ରାମକୁ ସଂଯୋଗ କରିବା ପାଇଁ ଫତେହପୁର-ଭେଲାୱତୀ ରାସ୍ତାରେ ଏକ ସେତୁ ନିର୍ମାଣ କରାଯାଉଛି। ଅପରପକ୍ଷେ, ୫.୫ କୋଟି ଟଙ୍କା ବ୍ୟୟରେ ଏହି ସେତୁ ନିର୍ମାଣ କରାଯାଉଥିବା କେତେକ ରିପୋର୍ଟରେ ଦର୍ଶାଯାଇଛି।
ସୂଚନାଯୋଗ୍ୟ, ବିହାରରେ ଲଗାତର ଭାବେ ପୋଲ ଭୁଶୁଡ଼ିବା ଘଟଣା ସାମ୍ନାକୁ ଆସୁଛି। ଗତ ୧୦-୧୫ ଦିନ ମଧ୍ୟରେ ବିହାରରେ ପାଞ୍ଚଟି ସେତୁ ଭୁଶୁଡିବା ଘଟଣା ସାମ୍ନାକୁ ଆସିଛି।
