ଡେସ୍କ: ବ୍ରିଟେନର ବିଦାୟୀ ପ୍ରଧାନମନ୍ତ୍ରୀ ଲିଜ ଟ୍ରସ କଞ୍ଜରଭେଟିଭ ପାର୍ଟିର ନୂଆ ନେତା ଋଷି ସୁନକଙ୍କୁ ସମସ୍ତ ସଫଳତା କାମନା କରିଛନ୍ତି। ୧୦ ଡାଉନିଂ ଷ୍ଟ୍ରିଟରେ ଏକ ବିବୃତ୍ତିରେ ବିଦାୟୀ ପ୍ରଧାନମନ୍ତ୍ରୀ ଲିଜ୍ ଟ୍ରସ୍ କହିଛନ୍ତି ଯେ ସେ ଋଷି ସୁନକଙ୍କୁ ସମସ୍ତ ସଫଳତା କାମନା କରୁଛନ୍ତି। ସେ କହିଛନ୍ତି, ସେ ଏବେ ତାଙ୍କ ନିର୍ବାଚନମଣ୍ଡଳୀରେ ଅଧିକ ସମୟ ଅତିବାହିତ କରିବା ସହ ଦେଶ ସେବା କରିବାକୁ ଆଶା ରଖିଛନ୍ତି।
ଏହି ଅବସରରେ ସେ ୟୁକ୍ରେନ ପାଇଁ ବ୍ରିଟେନର ସମର୍ଥନକୁ ଦୋହରାଇଛନ୍ତି ଏବଂ କହିଛନ୍ତି, ପୁଟିନଙ୍କ ଆକ୍ରୋଶ ବିରୁଦ୍ଧରେ ଆମକୁ ୟୁକ୍ରେନକୁ ସମର୍ଥନ କରିବାକୁ ପଡିବ। ୟୁକ୍ରେନ ନିଶ୍ଚିତ ଭାବରେ ଜିତିବ ଏବଂ ଆମ ଦେଶର ପ୍ରତିରକ୍ଷାକୁ ଆହୁରି ଦୃଢ଼ କରିବାକୁ ପଡିବ। ମୁଁ ଏହା ହାସଲ କରିବାକୁ ଚେଷ୍ଟା କରିଛି ଏବଂ ଋଷି ସୁନକ ଆମ ଦେଶର ମଙ୍ଗଳ ପାଇଁ କାର୍ଯ୍ୟ କରିବେ ବୋଲି ସେ କହିଛନ୍ତି। ଟିକସ ହ୍ରାସ କରିବା ଏବଂ ଅଭିବୃଦ୍ଧି ଆଣିବା ବିଷୟ ଉପସ୍ଥାପନ କରି ସେ ଭିନ୍ନ ଭିନ୍ନ କାର୍ଯ୍ୟ କରିବା ପାଇଁ ବ୍ରେକ୍ସିଟର ଲାଭ ଉଠାଇବାକୁ ପଡିବ ବୋଲି କହିଛନ୍ତି।
