କିଭ୍: ରୁଷ୍-ୟୁକ୍ରେନ ଯୁଦ୍ଧ ଥମିବାର ନାଁ ନେଉନାହିଁ। ଇତି ମଧ୍ୟରେ ମସ୍କୋ ଉପରେ ଏପର୍ଯ୍ୟନ୍ତର ସବୁଠୁ ବଡ଼ ଆକ୍ରମଣ କରିଛି ୟୁକ୍ରେନ। ରବିବାର ୟୁକ୍ରେନ ପ୍ରାୟ ୩୪ଟି ଡ୍ରୋନ୍ ଜରିଆରେ ମସ୍କୋ ଉପରେ ଆକ୍ରମଣ କରିଛି। ୨୦୨୨ ମସିହାରେ ଯୁଦ୍ଧ ଆରମ୍ଭରୁ ରୁଷ୍ର ରାଜଧାନୀ ଉପରେ ଏହା ସବୁଠାରୁ ବଡ ଡ୍ରୋନ୍ ଆକ୍ରମଣ ବୋଲି କୁହାଯାଉଛି। ଏହି କାରଣରୁ ରୁଷ୍ର ତିନୋଟି ପ୍ରମୁଖ ବିମାନବନ୍ଦରରୁ ବିମାନ ଚଳାଚଳର ଗତିପଥ ବଦଳାଇବାକୁ ପଡ଼ିଛି। ଏଥିରେ ଅତି କମ୍ରେ ଜଣେ ବ୍ୟକ୍ତି ଆହତ ହୋଇଥିବା ସୂଚନା ମିଳିଛି। ରୁଷ୍ ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ, ବାୟୁ ପ୍ରତିରକ୍ଷା ବ୍ୟବସ୍ଥା ରବିବାର ତିନି ଘଣ୍ଟା ମଧ୍ୟରେ ପଶ୍ଚିମ ରୁଷ୍ର ଅନ୍ୟାନ୍ୟ ଅଞ୍ଚଳରେ ୩୬ଟି ଡ୍ରୋନକୁ ନଷ୍ଟ କରିଛି।
ୟୁକ୍ରେନ କହିଛି ଯେ, ରୁଷ୍ ମଧ୍ୟ ୧୪୫ଟି ଡ୍ରୋନ୍ରେ ପ୍ରତ୍ୟାକ୍ରମଣ କରିଛି। କିଭ୍ କହିଛି ଯେ, ଏହାର ବାୟୁ ପ୍ରତିରକ୍ଷା ବ୍ୟବସ୍ଥା ୬୨ଟି ଡ୍ରୋନକୁ ନଷ୍ଟ କରି ତଳକୁ ଖସାଇ ଦେଇଛି।
- Advertisement -
