ଲଣ୍ଡନ: ବ୍ରିଟେନରେ ରାଜନୈତିକ ସଙ୍କଟ ଘନଉଥିବା ବେଳେ ଗୁରୁବାର ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ଲିଜ୍ ଟ୍ରସ୍। ଦାୟିତ୍ବ ନେବାର ୪୪ ଦିନ ପରେ ଟ୍ରସ୍ ପଦ ତ୍ୟାଗ କରିଛନ୍ତି। ସେପ୍ଟେମ୍ବର ୬ ତାରିଖରେ ସେ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ଏଥିସହ ଲିଜ୍ ଟ୍ରସ୍ ବ୍ରିଟେନ ଇତିହାସରେ ସବୁଠାରୁ କମ୍ କାର୍ଯ୍ୟକାଳର ପ୍ରଧାନମନ୍ତ୍ରୀ ପାଲଟିଛନ୍ତି। କଞ୍ଜରଭେଟିଭ୍ ଦଳର ନେତା ପଦରୁ ମଧ୍ୟ ସେ ଇସ୍ତଫା ଦେଇଛନ୍ତି। ସପ୍ତାହକ ମଧ୍ୟରେ ଦଳୀୟ ନେତା ନିର୍ବାଚନ ହେବ। ସେ ପର୍ଯ୍ୟନ୍ତ ପ୍ରଧାନମନ୍ତ୍ରୀ ଦାୟିତ୍ବରେ ରହିବେ ବୋଲି କହିଛନ୍ତି ଟ୍ରସ୍। ଏହାପୂର୍ବରୁ ଟ୍ରସ୍ କ୍ୟାବିନେଟରୁ ଅର୍ଥମନ୍ତ୍ରୀ କ୍ବାସୀ କ୍ବାର୍ଟେଙ୍ଗ ଓ ଗୃହମନ୍ତ୍ରୀ ସୁଏଲା ବ୍ରେଭରମ୍ୟାନ ମଧ୍ୟ ଇସ୍ତଫା ଦେଇଥିଲେ।
ସୂଚନାଯୋଗ୍ୟ, ବଜେଟ୍କୁ ନେଇ ଟ୍ରସ୍ ଜନ ଆକ୍ରୋଶର ଶିକାର ହୋଇଥିଲେ। ପ୍ରତିଶ୍ରୁତି ପାଳନରେ ସେ ଖିଲାପ କରିଥିବା ନେଇ ଜନ ଅସନ୍ତୋଷ ତୀବ୍ର ହୋଇଥିଲା।
Comments are closed.