ଦେଖନ୍ତୁ ଭିଡିଓ: ଉଡ଼ାଣର ଠିକ୍‌ ପୂର୍ବରୁ ରନଓ୍ବେରେ ଫାଟିଗଲା ବିମାନ ଚକ, ବର୍ତ୍ତିଲେ ୧୭୪ ଯାତ୍ରୀ

ସମାଜ ଡିଜିଟାଲ ଡେସ୍କ: ଉଡ଼ାଣ ପାଇଁ ରନଓ୍ବେରେ ଗଡ଼ୁଥିଲା ବିମାନ। କିଛି ସେକେଣ୍ଡ ମଧ୍ୟରେ ଉଡ଼ାଣ କରିଥାନ୍ତା। ହେଲେ ଏହାର ଠିକ୍ ପୂର୍ବରୁ ରନଓ୍ବେରେ ଫାଟିଗଲା ବିମାନର ଏକାଧିକ ଚକ। ଚକ ଫାଟିବା ପରେ ବିମାନରୁ ହୁଗୁଳି ଏଣେତେଣେ ବିକ୍ଷିପ୍ତ ହୋଇପଡ଼ିଥିଲା। ପାଇଲଟ ତୁରନ୍ତ ବ୍ରେକ ଦେଇଥିଲେ। ଫଳରେ ରନଓ୍ବେର ଶେଷ ଭାଗରେ ଅଟକିଥିଲା ବିମାନ। ବ୍ରେକ ଲଗାଇବାରେ ୨ ସେକେଣ୍ଡ ବିଳମ୍ବ ହୋଇଥିଲେ ବିମାନଟି ଦୁର୍ଘଟଣାର ସମ୍ମୁଖୀନ ହୋଇଥାଆନ୍ତା। ହେଲେ ପାଇଲଟଙ୍କ ତ୍ଵରିତ ପଦକ୍ଷେପ ଯୋଗୁ ଅଳ୍ପକେ ବର୍ତ୍ତିଯାଇଛନ୍ତି ୧୭୪ ଯାତ୍ରୀ। ଆମେରିକାର ଫ୍ଲୋରିଡାର ତାମ୍ପା ଅନ୍ତର୍ଜାତୀୟ ବିମାନବନ୍ଦରରେ ଘଟିଛି ଏହି ଘଟଣା। ଏହାର ଏକ ଭିଡିଓ ସାମାଜିକ ଗଣମାଧ୍ୟମ ଏକ୍ସ’ରେ ଶେୟାର କରାଯାଇଛି। ଏପରି କି ଚକ ଫାଟିଯିବା ପରେ ସେହି ସ୍ଥାନରୁ ନିଆଁ ବାହାରିବା ସାଙ୍ଗକୁ ଧୂଆଁମୟ ହୋଇଯାଇଥିବା ଦେଖିବାକୁ ମିଳିଥିଲା।

JUST IN: American Airlines flight 590 out of Tampa, Florida narrowly avoids disaster after multiple tires blow out during takeoff.

As the plane was picking up speed and seconds away from liftoff, the tires blew out.

The pilot slammed on the brakes as the plane barreled towards… pic.twitter.com/P5kZ3N6pUO

— Collin Rugg (@CollinRugg) July 10, 2024