ଆଜି ଭାରତ ପାଇଁ ୨ଟି ପଦକ ସୁଯୋଗ; ଶୁଟିଂ ଇଭେଣ୍ଟ ଫାଇନାଲରେ ରମିତା, ଅର୍ଜୁନ

ସମାଜ ଡିଜିଟାଲ ଡେସ୍କ: ପ୍ୟାରିସ ଅଲିମ୍ପିକ୍ସରେ ସୋମବାର ଭାରତ ପାଇଁ ୨ଟି ପଦକ ମିଳିବାର ସୁଯୋଗ ରହିଛି। ଏହି ଆଶା ଉଜ୍ଜୀବିତ କରିଛନ୍ତି ଶୁଟର ରମିତା ଜିନ୍ଦଲ ଏବଂ ଅର୍ଜୁନ ବବୁତା। ଉଭୟ ଶୁଟରଙ୍କର ଆଜି ଫାଇନାଲ ଇଭେଣ୍ଟ ରହିଛି। ରମିତା ୧୦ ମିଟର ଏୟାର ପିସ୍ତଲ ଇଭେଣ୍ଟର ଯୋଗ୍ୟତା ପର୍ଯ୍ୟାୟରେ ୫ମ ସ୍ଥାନ ଅଧିକାର କରି ଫାଇନାଲରେ ପ୍ରବେଶ କରିଛନ୍ତି। ଆଜି ସେ ପଦକ ଜିତିଲେ ମନୁ ଭାକରଙ୍କ ପରେ ସେ ୨ୟ ଭାରତୀୟ ମହିଳା ଶୁଟର ଭାବେ ଅଲିମ୍ପିକ୍ସ ପଦକ ପାଇବାର ଗୌରବ ଅର୍ଜନ କରିବେ। ସେହିପରି ପୁରୁ​‌ଷ ଏୟାର ପିସ୍ତଲ ଇଭେଣ୍ଟରେ ଅନ୍ୟତମ ଭାରତୀୟ ଶୁଟର ଅର୍ଜୁନ ବବୁତା ଫାଇନାଲ ଇଭେଣ୍ଟ ପାଇଁ ଯୋଗ୍ୟତା ଅର୍ଜନ କରିଛନ୍ତି। ତେଣୁ ଏହି ୨ ଶୁଟରଙ୍କଠାରୁ ଭାରତ ପଦକ ଆଶା ରଖିଛି।