ନଓ୍ବାଦା: ବିହାରରେ ମଙ୍ଗଳବାର ଭୋଟିଂ ସମୟରେ ନଓ୍ବାଦା ଜିଲାରେ ବାରିସଲିଗଞ୍ଜ ଅଞ୍ଚଳରେ ମତଦାନ ମଧ୍ୟରେ ତିକ୍ତତା ଦେଖାଦେଇଛି। ଭିନ୍ନ ଭିନ୍ନ ରାଜନୈତିକ ଦଳର ସମର୍ଥକମାନେ ପୋଲିଂ ବୁଥ୍ ପାଖରେ ମୁହାଁମୁହିଁ ହୋଇଛନ୍ତି। ତେବେ ବର୍ତ୍ତମାନ ସ୍ଥିତି ସମ୍ପୂର୍ଣ୍ଣ ନିୟନ୍ତ୍ରଣାଧିନ ଅଛି। ଶାନ୍ତିପୂର୍ଣ୍ଣ ମତଦାନ ହୋଇଛି।
ନଓ୍ବାଦା ପୁଲିସ ସୂଚନା ଅନୁସାରେ ପୋଲିଂ ବୁଥଠୁ ପ୍ରାୟ ଦେଢ କିଲୋମିଟର ଦୂରରେ ଏହି ବିବାଦ ଦେଖାଦେଇଛି। ବିଭିନ୍ନ ରାଜନୈତିକ ଦଳର ସମର୍ଥକଙ୍କ ମଧ୍ୟରେ ସାମାନ୍ୟ ଝଗଡା ହୋଇଥିବା ପୁଲିସ ସୂଚନା ଦେଇଛି। ଅନ୍ୟପଟେ ବିବାଦ ପରେ ନିର୍ବାଚନ ଡ୍ୟୁଟିରେ ନିୟୋଜିତ ସରକାରୀ ଗାଡିକୁ ଭଙ୍ଗାଯାଇଥିବା ମଧ୍ୟ ସାମାଜିକ ଗଣମାଧ୍ୟମରେ ଚର୍ଚ୍ଚା ଚାଲିଥିଲା। ତେବେ ଏହା ସମ୍ପୂର୍ଣ୍ଣ ଭୁଲ୍ ତଥ୍ୟ ବୋଲି ପୁଲିସ ସୂଚନା ଦେଇଛି। କୁହାଯାଉଛି କି ଏକ ଘରୋଇ ଗାଡି କ୍ଷତିଗ୍ରସ୍ତ ହୋଇଛି। ସରକାରୀ ଗାଡିକୁ କେହି କ୍ଷତି ପହଞ୍ଚାଇନଥିବା ସୂଚନା ଦେଇଛି ପୁଲିସ।
