ସମାଜ ଡିଜିଟାଲ ଡେସ୍କ: ପୁଲିସ ଚାକିରି କରିବାକୁ ଆସି ଜୀବନ ହରାଇଛନ୍ତି ଦୁଇ ଜଣ ଆଶାୟୀ। ରବିବାର ଝାରସୁଗୁଡ଼ା ଏବଂ ଗଞ୍ଜାମ ଜିଲାରେ ଶାରିରୀକ ପରୀକ୍ଷା ସମୟରେ ଏଭଳି ଅଭାବନୀୟ ଘଟଣା ଘଟିଛି। ମୃତକଙ୍କ ମଧ୍ୟରେ ଜଣେ ନେପାଳର ଯୁବକ ଥିବାବେଳେ ଅନ୍ୟ ଜଣେ ଗଞ୍ଜାମ ଜିଲା ତାରସିଂ ଥାନା ତୁଳସୀପଲ୍ଲୀ ଅଞ୍ଚଳର ଶିବରାମ ପ୍ରଧାନ।
ରବିବାର ଝାରସୁଗୁଡ଼ାର ରିଜର୍ଭ ପୁଲିସ ପଡ଼ିଆରେ ଓଏସଏପି ୨ୟ ବାଟାଲିୟନ ପରୀକ୍ଷା ପାଇଁ ଅଭ୍ୟାସ ଚାଲିଥିଲା। ଏହି ସମୟରେ ଜଣେ ଯୁବକ ଅସୁସ୍ଥ ହୋଇପଡ଼ିଥିଲେ। କିଛି ସମୟ ପରେ ତାଙ୍କର ମୃତ୍ୟୁ ଘଟିଥିଲା। ମୃତକ ହେଲେ ନେପାଳରୁ ଆସିଥିବା ଗୋବିନ୍ଦ କୁମାଲ।
- Advertisement -
ସେହିପରି ଗଞ୍ଜାମ ଛତ୍ରପୁରସ୍ଥିତ ରିଜର୍ଭ ପୁଲିସ ପଡ଼ିଆରେ ଅନୁରୂପ ଏକ ଘଟଣା ଘଟିଛି। ହୋମଗାର୍ଡ ପଦବୀ ପାଇଁ ଦୌଡ଼ ପରୀକ୍ଷା ସମୟରେ ଜଣେ ଯୁବକ ଅସୁସ୍ଥ ହୋଇପଡ଼ିଥିଲେ। ତୁରନ୍ତ ତାଙ୍କୁ ବ୍ରହ୍ମପୁର ବଡ଼ ମେଡିକାଲକୁ ଚିକିତ୍ସା ପାଇଁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
