ନୂଆଦିଲ୍ଲୀ: ଭାରତୀୟ ବଜାରରେ ଇଲେକ୍ଟ୍ରିକ୍ ବାହନର ଚାହିଦା ଖୁବ୍ ବୃଦ୍ଧି ପାଇଛି । ସବୁଠାରୁ ଅଧିକ ଲୋକପ୍ରିୟ ଓ ବିକ୍ରି ହେଉଥିବା ତାଲିକାରେ ଦୁଇ ଚକିଆ ସାମିଲ ରହିଛି । ଦିନକୁ ଦିନ ଆସୁଥିବା ନୂଆ ନୂଆ ଫିଚର ସହ ଡିଜାଇନ୍ ଓ ମାଇଲେଜ୍ ପାଇଁ ଅନେକ ଦୁଇ ଚକିଆ ଯାନକୁ ଲୋକେ ବେଶ ପସନ୍ଦ କରିଛନ୍ତି । ନିକଟରେ ଟିଭିଏସ ଏକ ବଡ ପ୍ରସ୍ତୁତି ଆରମ୍ଭ କରି ଦେଇଛି ।
ଟିଭିଏସ ମୋଟର ଘୋଷଣା କରିଛି ଯେ, କମ୍ପାନୀ ଅଗଷ୍ଟ ୨୮ରେ ନିଜର ଏକ ନୂଆ ଇଲେକ୍ଟ୍ରିକ୍ ଜିନିଷ ଲଞ୍ଚ କରିବାକୁ ଯାଉଛି । ଏହା ଏକ ଇଲେକ୍ଟ୍ରିକ୍ ସ୍କୁଟର ବୋଲି କୁହାଯାଉଛି ।
ଏହି ନୂଆ ଘୋଷଣା ସହ କମ୍ପାନୀ ଏକ ଫଟୋ ମଧ୍ୟ ଶେୟାର କରିଛି । ଯେଉଁଥିରେ ଗାଡିକୁ କପଡା ଦ୍ୱାରା ଢଙ୍କା ଯାଇଛି ଓ ପଛରେ ଇଂରାଜୀ ଅକ୍ଷର ‘ଓ’ ଦେଖାଯାଉଛି । କମ୍ପାନୀ ପକ୍ଷରୁ ଆସିବାକୁ ଥିବା ଇଲେକ୍ଟ୍ରିକ ସ୍କୁଟର ‘ଟିଭିଏସ୍ ଅରବିଟର୍’ହୋଇପାରେ ।
ଟିଭିଏସ iQube ୩ଟି ଭିନ୍ନ ଭିନ୍ନ ବ୍ୟାଟେରୀ ପ୍ୟାକ୍ ସହ ଆସିଥାଏ । ସବୁଠାରୁ ଛୋଟ ୨.୨ କିଲୋୱାଟ ଭାରିଆଣ୍ଟ ଦାମ୍ ୧ ଲକ୍ଷ ଟଙ୍କା ଓ ସବୁଠାରୁ ଅଧିକ ରେଞ୍ଜ ଥିବା ୫.୧ କିଲୋୱାଟର ଦାମ୍ ୨ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି ।
ଟିଭିଏସ ଅରବିଟର୍ ୨.୨ କିଲୋୱାଟ୍ ବ୍ୟାଟେରୀ ପ୍ୟାକ୍ ସହ ଆସିପାରେ। ଏହାର ଆରମ୍ଭ ଦାମ୍ ୧ ଲକ୍ଷ ଟଙ୍କାରୁ କମ୍ ବୋଲି ଆଶା କରାଯାଉଛି ।
ଟିଭିଏସ୍ ଅରବିଟର୍ ବଜାରକୁ ଆସିବା ପରେ ଓଲା ଓ ବଜାଜ୍ ଚେତକର ଚିନ୍ତା ବଢିପାରେ । ନିକଟରେ ମଧ୍ୟ ଟିଭିଏସ୍ ଅନ୍ୟମାନଙ୍କୁ ପଛରେ ପକାଇ ୧ ନମ୍ବର ସ୍ଥାନ ହାସଲ କରିଛି ।
