ଆଠଗଡ : ଆଠଗଡ ତହସିଲ ପକ୍ଷରୁ ଶୁକ୍ରବାର ବିଭିନ୍ନ ସ୍ଥାନରେ ଚଢାଉ କରାଯାଇ ଚୋରା ବାଲି ଓ ମାଙ୍କଡା ପଥର ଚାଲାଣ କରୁଥିବା ୫ଟି ଟ୍ରାକ୍ଟର ଓ ଗୋଟଏ ଟ୍ରକ୍ ଜବତ କରାଯାଇଥିବା ଜଣାପଡିଛି। ଆଠଗଡ ତହସିଲଦାର ତପନ କୁମାର ଖୁଂଟିିଆଙ୍କ ନେତୃତ୍ୱରେ ତହସିଲର ସ୍ୱତନ୍ତ୍ର ସ୍କାର୍ଡ, ଶୁକ୍ରବାର ସକାଳେ କଟକିଆସାହି ପଂଚାୟତର ବଳରାମପୁରଠାରୁ ୨ଟି ବାଲି ବୋଝେଇ ଟ୍ରାକ୍ଟର, ଆଠଗଡ ସହରରୁ ଗୋଟିଏ ପଥର ବୋଝେଇ ଓ ଗୋଟିଏ ବାଲି ବୋଝେଇ ଟ୍ରକ୍ ଏବଂ କନ୍ଦରପୁରଠାରୁ ଏକ ପଥର ବୋଝେଇ ଟ୍ରାକ୍ଟର ଜବତ କରିଥିଲେ। ସେଥିମଧ୍ୟରୁ ମାଙ୍କଡା ପଥର ବୋଝେଇ ଟ୍ରକଠାରୁ ୨୬,୦୮୦ଟଙ୍କା, ପଥର ବୋଝେଇ ଗୋଟିଏ ଟ୍ରାକ୍ଟରଠାରୁ ୧୨,୫୦୦ଟଙ୍କା, ଅନ୍ୟ ଏକ ପଥର ବୋଝେଇ ଟ୍ରାକ୍ଟରଠାରୁ ୧୦,୫୪୦ଟଙ୍କା ଓ ଗୋଟିଏ ବାଲିବୋଝେଇ ଟ୍ରାକ୍ଟର ଠାରୁ ୧୦,୧୦୫ଟଙ୍କା ଜୋରିମନା ଆକାରରେ ଆଦାୟ କରି ଛଡି ଦିଆଯାଇଥିବା ବେଳେ ଆଉ ୨ଟି ବାଲି ବୋଝେଇ ଟ୍ରାକ୍ଟର ଜରିମାନା ଦେଇନଥିବାରୁ ସେଗୁଡିକୁ ଛଡାଯାଇନଥିବା ତହସିଲଦାର ଶ୍ରୀ ଖୁଂଟିିଆ କହିଛନ୍ତି। ଆଠଗଡ ଅଂଚଳରେ ଲଘୁଖଣିଜ ସାମଗ୍ରୀ ଚୋରା ଚାଲାଣ ଓ କାରବାର ଉପରେ ନିୟମିତ ଚଢାଉ କରାଯିବା ସହ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତହସିଲଦାର ଶ୍ରୀ ଖୁଂଟିିଆ ସୂଚନା ଦେଇଛନ୍ତି।
Popular Categories
Previous article
Next article