ଲଘୁ ଖଣିଜ ସାମଗ୍ରୀ ଚାଲାଣ ଉପରେ ଚଢଉ : ୧୬ ଟ୍ରକ୍‍ ଜବତ, ୩.୨୦ଲକ୍ଷ ଟଙ୍କା ଆଦାୟ

ଆଠଗଡ : ଆଠଗଡ ତହସିଲ ଏବଂ ଜିଲ୍ଲାପାଳଙ୍କ କାର୍ଯ୍ୟାଳୟର ଭୂତତ୍ତ୍ୱ ବିଜ୍ଞାନ ବିଭାଗର ମିଳିତ ଚଢାଉ ଦ୍ୱାରା ଗୁରୁବାର ଲଘୁ ଖଣିଜ ସାମଗ୍ରୀ ଚୋରା ଚାଲାଣ କରୁଥିବା ୧୬ଟି ଟ୍ରକ୍‍ ଜବତ କରାଯିବା ସହ ସେମାନଙ୍କଠାରୁ ୩.୨୦ଲକ୍ଷ ଟଙ୍କା ଜରିମାନା ଆଦାୟ କରାଯାଇଥିବା ଜଣାପଡିଛି । ଆଠଗଡ ତହସିଲଦାର ପ୍ରିୟବ୍ରତ ଦାସ ଏବଂ ଜିଲ୍ଲାପାଳଙ୍କ କାର୍ଯ୍ୟାଳୟର ଭୂତତ୍ତ୍ୱ ବିଜ୍ଞାନୀ ଜଗନ ବେହେରା ଓ ତାଙ୍କ ସୁରକ୍ଷା ବଳ ମିଳିତ ଭାବେ ଆଠଗଡ ସହରର ଚାନ୍ଦବାଲି ଛକ, ଦୋରଡ, କଇଥ ଛକ ଓ କଟକ ସିଡିଏ ନିକଟବର୍ତ୍ତୀ ବ୍ରଜବିହାରୀପୁର ଅଞ୍ଚଳରୁ କଳାମୁଗୁନି ପଥର, ବାଲି ଓ ବୋଲଡର ବୋଝେଇ କରି ଯାଉଥିବା ୧୬ଟି ହାଇୱା ଓ ଟ୍ରକ୍‍ ଜବତ କରାଯାଇଥିଲା। ସେଥିମଧ୍ୟରୁ ୧୪ଟି ଟ୍ରକ୍‍ ଆବଶ୍ୟକୀୟ କାଗଜପତ୍ର ଦେଖାଇ ନପାରିବାରୁ ସେମାନଙ୍କଠାରୁ ୩.୨୦ଲକ୍ଷ ଟଙ୍କା ଜରିମାନା ଆଦାୟ କରି ଛାଡି ଦିଆଯାଇଥିଲା । ୨ଟି ଟ୍ରକ୍‍ ସେମାନଙ୍କର ଅନୁମତି ପତ୍ର ଦେଖାଇବା ଫଳରେ ସେମାନଙ୍କୁ ଛାଡି ଦିଆଯାଇଥିଲା।

Comments are closed.