ପାଟଣା: କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ଡୁମୁରିଗୋଡା ନିକଟରେ ଆଜି ଅପରାହ୍ନରେ ଘଟିଛି ଏକ ମର୍ମନ୍ତୁଦ ଦୁର୍ଘଟଣା । ଟ୍ରକ୍ ଧକ୍କାରେ କାର ଚୁରମାର ହୋଇଯାଇଥିବା ବେଳେ କାରରେ ଥିବା ଗୋଟିଏ ପରିବାରର ୫ ଜଣ ସଦସ୍ୟ ଅଳ୍ପକେ ବର୍ତ୍ତି ଯାଇଛନ୍ତି । ସମସ୍ତ ଆହତ ଙ୍କୁ ଉଦ୍ଧାର କରାଯାଇ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।
ସୂଚନା ଅନୁଯାୟୀ, ଝାରଖଣ୍ଡ ରାଜ୍ୟ କୁଳିପଶି ଅଞ୍ଚଳର ଏକ ସଂଖ୍ୟାଲଘୁ ସମ୍ପ୍ରଦାୟ ପରିବାର ର ୫ ଜଣ ସଦସ୍ୟ ଏକ ଇଟିକା କାର ଯୋଗେ କେନ୍ଦୁଝର ମୁଖ୍ୟ ଚିକିତ୍ସାଳୟରୁ ଫେରୁଥିବା ସମୟରେ ଡୁମୁରିଗୋଡା ନିକଟରେ କେନ୍ଦୁଝର ଅଭିମୁଖେ ଯାଉଥିବା ଏକ ଟ୍ରକ ଭୁଲ ରାସ୍ତାରେ ଆସି ସେମାନଙ୍କ କାରକୁ ଧକ୍କା ଦେଇଥିଲା ଫଳରେ କାରଟି ଚୁରମାର ହୋଇଯାଇଥିବା ବେଳେ ଆଶ୍ଚର୍ୟ୍ୟ ଜନକ ଭାବେ କାର ରେ ଥିବା ଲୋକ ମାନେ ନିଶ୍ଚିତ ମୃତ୍ୟୁ ମୁଖରୁ ବର୍ତ୍ତି ଯାଇଛନ୍ତି। କାର ରେ ୫ ଜଣ ସଦସ୍ୟ ଥିବା ବେଳେ ଜଣେ ଶିଶୁ ଓ ଜଣେ ବୃଦ୍ଧା ଥିବା ଜଣାପଡିଛି । ତେବେ ସମସ୍ତ ଆହତଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିବା ବେଳେ ତୁରୁମୁଙ୍ଗା ପୁଲିସ ଏସ.ଆଇ ବଳିଆ ବାରିକ ଓ ଜଣେ ଗୃହରକ୍ଷୀଙ୍କୁ ଉତ୍ତେଜନାକାରୀମାନଙ୍କ ଦ୍ଵାରା ଆକ୍ରମଣ ଶୀକାର ହୋଇଥିବା ଜଣାପଡିଛି ।
Comments are closed.