ରାୟଗଡ଼ା: ରାୟଗଡ଼ା ଜିଲା କେରେଡାଠାରୁ ମାତ୍ର କିଛି ଦୂରରେ ଆନ୍ଧ୍ରର କୋମରଡ଼ାର ବଙ୍ଗରାମାରେ ବୁଧବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ୫ ଜଣଙ୍କ ମୃତ୍ୟୁ ଘଟିଥିବା ଜଣାପଡ଼ିଛି।
ଖବରରୁ ପ୍ରକାଶ ଯେ, ବିଶାଖାପାଟଣାରୁ ଆସୁଥିବା ଏକ ଟ୍ରକ ସହ ଏକ ଅଟୋ ମୁହାଁମୁହି ଧକ୍କା ହୋଇଥିଲା। ଫଳରେ ଏଥିରେ ବସିଥିବା ୮ଜଣଙ୍କ ମଧ୍ୟରୁ ଡ୍ରାଇଭରଙ୍କ ସମେତ ୫ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି । ଆହତଙ୍କୁ ପାର୍ବତୀପୁରମ୍ ମେଡିକାଲରେ ଭର୍ତ୍ତି କରାଯାଇଛି। ରାମଭଦ୍ରପୁରମ୍ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ରାୟଗଡ଼ାର ମା’ ମଝିଘରିଆଣୀ ମନ୍ଦିର ଦର୍ଶନ ସାରି ଅଟୋ ଯୋଗେ ଯାତ୍ରୀମାନେ କୋମରଡ଼ାକୁ ଫେରୁଥିବାବେଳେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି।
