bjd gruha runa banner

ଟ୍ରକ୍ ଧକ୍କାରେ ବାପା-ମା ଓ ପୁଅ ଗୁରୁତର

BSKY banner  750×100

ରେଙ୍ଗାଲିକ୍ୟାମ୍ପ : ଅତାବିରା ୫୩ ନଂ  ଜାତୀୟ ରାଜପଥ  ଉପରେ ସରଣ୍ଡା ଛକଠାରେ ଆଜି ପ୍ରାୟ ୧୦ ଟା ୩୦ ମିନିଟରେ  ଏକ ଅଜଣା ଟ୍ରକ୍  ଧକ୍କାରେ ବାଇକରେ ଥିବା ବାପା ,ମା ଓ ପୁଅ ଛିଟିକି ପଡ଼ି ଗୁରୁତର ହୋଇ ବରଗଡ଼ ସ୍ଥିତ ଏକ ଘରୋଇ ଚିକିତ୍ସାଳୟରେ  ଭର୍ତ୍ତି ହୋଇଛନ୍ତି । ଘଟଣାସୂତ୍ରରୁ ଜଣାପଡ଼ିଛି ଯେ ତାଳଶ୍ରିଗିଡ଼ା ଗ୍ରାମର ଶିକ୍ଷକ ଭାରତ ଚନ୍ଦ୍ର ସାହୁ, ସ୍ତ୍ରୀ ଶିକ୍ଷୟିତ୍ରୀ ସୌଦାମିନୀ ସାହୁ  ବାଇକରେ  ନିଜ ପୁଅ ପୁଅ ଆଶୁତୋଷ ସାହୁଙ୍କୁ  ସମ୍ବଲପୁର  ସୈନିକ  ସ୍କୁଲକୁ ଛାଡ଼ିବାକୁ ଆସୁଥିବାବେଳେ ସରଣ୍ଡା ଛକରେ  ପଛପଟୁ ଏକ  ଟ୍ରକ୍  ଧକ୍କା ଦେଇ ଫେରାର ହୋଇଥିଲା ।  ବାଇକରେ ଥିବା ତିନି ଜଣ ଯାକ  ଛିଟିକି ପଡ଼ି  ରକ୍ତାକ୍ତ ହୋଇ ଗୁରୁତର ହୋଇଥିଲେ । ସ୍ଥାନୀୟଲୋକେ ତାଙ୍କୁ ଉଦ୍ଧାର କରି ଆମ୍ବୁଲାନ୍ସରେ ଚିକିତ୍ସା ପାଇଁ ପଠାଇଥିଲେ । ସମସ୍ତଙ୍କୁ  ଆଇସିୟୁରେ ଭର୍ତ୍ତି କରାଯାଇଛି । ଖବର ପାଇ ଅତାବିରା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

Comments are closed.