ରେଙ୍ଗାଲିକ୍ୟାମ୍ପ: ଅତାବିରା ବ୍ଳକ ବୁଗୁବୁଗା ପଞ୍ଚାୟତ ଅନ୍ତର୍ଗତ ଭୁତଟିକ୍ରାରେ ଚବିଶ ପ୍ରହରୀ ନାମଯଜ୍ଞ ଅନୁଷ୍ଠିତ ହୋଇଯାଇଛି। ସ୍ଥାନୀୟ ନଳିଆରୁ କଳସ ଆବାହନ କରି ଯଜ୍ଞ ମଣ୍ଡପ ପର୍ଯ୍ୟନ୍ତ କଳସ ଯାତ୍ରା ହୋଇଥିଲା। ଗାଁର ଶତାଧିକ ମହିଳା କଳସ ଯାତ୍ରାରେ ସାମିଲ ହୋଇଥିଲେ। ଏଥିରେ ସୁରେନ୍ଦ୍ର କର୍ଣ୍ଣ ଓ ସହଧର୍ମିଣୀ ଜାମିନୀ କର୍ଣ୍ଣ କର୍ତ୍ତା ଦାୟିତ୍ୱ ତୁଲାଇଥିବା ବେଳେ ବୁଲୁ ଦାଶ ଓ ଅଜିତ ଦାଶ ପୂଜାକାର୍ଯ୍ୟ ସମ୍ପାଦନ କରିଥିଲେ। ପ୍ରତିଦିନ ଅଞ୍ଚଳର ବିଭିନ୍ନ ସଂକୀର୍ତ୍ତନ ଦଳ ସାମିଲ ହୋଇଥିବା ବେଳେ ପୂର୍ଣ୍ଣାହୁତି ଦିନ ବଲାଙ୍ଗିର ଜିଲ୍ଲା ଗୁଚ୍ଛାପାଲି ଓ ବରଗଡ଼ ଜିଲ୍ଲା ପାଇକମାଲର ମିଠାପାଲି ମହିଳା ସଂକୀର୍ତ୍ତନ ଦଳ ନାମ ସଂକୀର୍ତ୍ତନ କରିଥିଲେ।
ପୂର୍ଣ୍ଣାହୁତି ପରେ ଦଧିଭାଣ୍ଡ ସହ ହରିବୋଲ ହୁଲହୁଲି ରେ ନଗର ପରିକ୍ରମା ହୋଇ ସମ୍ପୂର୍ଣ୍ଣ ହୋଇଥିଲା। କୃଷ୍ଣ କର୍ଣ୍ଣ, ତରୁଣ କର୍ଣ୍ଣ ,ଶାନ୍ତନୁ କର୍ଣ୍ଣ ସୁରେନ୍ଦ୍ର କର୍ଣ୍ଣ, ଫକୀର କର୍ଣ୍ଣ ଙ୍କ ସମେତ ଗ୍ରାମବାସୀ ମାନଙ୍କ ସହଯୋଗରେ ଶ୍ରଦ୍ଧାଳୁ ଓ ଭକ୍ତମାନଙ୍କୁ ଅନ୍ନଭୋଗ ବଣ୍ଟନ କରା ଯାଇ ଥିଲା।ଅର୍ଜ୍ଜୁନ କର୍ଣ୍ଣ, ପ୍ରକାଶ କର୍ଣ୍ଣ, ସନ୍ତୋଷ କର୍ଣ୍ଣ, ଅଶୋକ କର୍ଣ୍ଣ , ସୁନୀଲ କର୍ଣ୍ଣ, ସଦାନନ୍ଦ କର୍ଣ୍ଣ,ଅଜିତ କର୍ଣ୍ଣ, ଆନନ୍ଦ କର୍ଣ୍ଣ, ପ୍ରଦ୍ୟୁମ୍ନ କର୍ଣ୍ଣ ,ସଦାନନ୍ଦ ଛନ୍ଦ ପ୍ରମୁଖଙ୍କ ସମେତ ଗ୍ରାମବାସୀଙ୍କ ସହଯୋଗ ରହିଥିଲା।
ଆଜି ନାମ ଯଜ୍ଞର ଶେଷ ଅର୍ଥାତ୍ ପୂର୍ଣ୍ଣାହୁତି ଦିବସରେ ସ୍ଥାନୀୟ ବିଜେଡି ପ୍ରାର୍ଥୀନୀ ସ୍ନେହାଙ୍ଗିନୀ ଛୁରିଆ ମୁଖ୍ୟ ଅତିଥି ଭାବେ ଯୋଗ ଦେଇ ମର୍ଯ୍ୟାଦା ପୁରୁଷୋତ୍ତମ ରାମଙ୍କ ଆଦର୍ଶ ଉପରେ ଆଲୋକପାତ କରି ସମସ୍ତଙ୍କୁ ଭକ୍ତି ଭାବରେ ବିଭୋର କରିଦେଇଥିଲେ । ଦର୍ଶନ ପାଇଁ ସହ ସହ ଶ୍ରଦ୍ଧାଳୁଙ୍କ ସମାଗମ ରହିଥିଲା।
Comments are closed.