ଅଗରତାଲା: ତ୍ରିପୁରା କଂଗ୍ରେସ ଅଧ୍ୟକ୍ଷ ପିଜୁଶ କାନ୍ତି ବିଶ୍ବାସଙ୍କୁ ଆକ୍ରମଣ କରାଯାଇଛି। ରବିବାର ସିପାହୀଜାଲା ଜିଲାରେ ତାଙ୍କ ଉପରେ ଆକ୍ରମଣ ହୋଇଛି। ଗୁରୁତର ଅବସ୍ଥାରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଆକ୍ରମଣରେ ବିଶ୍ବାସଙ୍କ ମୁଣ୍ଡ ଏବଂ ଶରୀରର ଅନ୍ୟାନ୍ୟ ସ୍ଥାନରେ ଗୁରୁତର ଆଘାତ ଲାଗିଛି। ଏଥିରେ ତାଙ୍କ କାର୍ ବି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି।
Tripura: State Congress president Pijush Kanti Biswas under treatment at a hospital following an attack on his vehicle in Bisalghar area of Sipahijala district https://t.co/Z57TKHBoAo pic.twitter.com/XmDQ78z7Va
— ANI (@ANI) January 17, 2021
ତେବେ ବିଜେପି କାର୍ଯ୍ୟକର୍ତ୍ତାମାନେ ବିଶ୍ବାସଙ୍କୁ ଆକ୍ରମଣ କରିଥିବା କଂଗ୍ରେସ କର୍ମୀମାନେ ଅଭିଯୋଗ କରିଛନ୍ତି। ଘଟଣା ପ୍ରତିବାଦରେ କଂଗ୍ରେସ ପକ୍ଷରୁ ସୋମବାର ରାଜ୍ୟରେ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି। ସୂଚନାଯୋଗ୍ୟ, ବିଶ୍ବାସ ରବିବାର ସିପାହୀଜାଲା ଜିଲାର ବିସାଲଘର୍ ଅଞ୍ଚଳ ଦେଇ ଯାଉଥିବାବେଳେ କିଛି ଲୋକ ତାଙ୍କ କାର୍କୁ ଅଟକାଇ ଗାଡ଼ି ଭଙ୍ଗାରୁଜା କରିବା ସହିତ ତାଙ୍କୁ ଆକ୍ରମଣ କରିଥିଲେ। ଏଥିରେ ବିଶ୍ବାସ ଗୁରୁତର ଆହତ ହୋଇଛନ୍ତି।
