କୋଲକାତା: ପଶ୍ଚିମବଙ୍ଗର ମେଦିନୀପୁରରେ ସେଲ୍ଫି ପାଇଁ ଦୁଇ ଜଣ ଯୁବକଙ୍କ ଜୀବନ ଯାଇଛି। ଏଥିସହ ଜଣେ ଗୁରୁତର ଭାବେ ଆହତ ହୋଇଛନ୍ତି। ପୁଲିସର କହିବାନୁସାରେ, ମେଦିନୀପୁର ରେଳ ଧାରଣା ଉପରେ ସେଲ୍ଫି ନେଉଥିବା ସମୟରେ ଏହି ଅଘଟଣ ଘଟିଛି। ଏଥିରେ ୩୬ ବର୍ଷୀୟ ମିଥୁନ ଖାନ ଓ ୩୨ ବର୍ଷୀୟ ଅବ୍ଦୁଲ ଗେନଙ୍କ ମୃତ୍ୟୁ ଘଟିଛି।
ସୂଚନା ମୁତାବକ, ମେଦିନୀପୁରରେ ରଙ୍ଗମତୀ ଅଞ୍ଚଳରେ ରେଳ ବ୍ରିଜ୍ ନିକଟରେ ଏକ ପର୍ଯ୍ୟଟନ ସ୍ଥଳ ରହିଛି। କିଛି ଯୁବକ ସେଠାକୁ ବଣଭୋଜି କରିବାକୁ ଯାଇଥିଲେ। ସେମାନଙ୍କ ମଧ୍ୟରୁ ୩ ଜଣ ଯୁବକ ସେଲ୍ଫି ନେବା ପାଇଁ ରେଳ ଧାରଣା ନିକଟକୁ ଯାଇଥିଲେ। ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ଏହି ସମୟରେ ମେଦିନୀପୁରରୁ ହାୱଡ଼ା ଯାଉଥିବା ଲୋକାଲ ଟ୍ରେନ୍ ଆସିଥିଲା। ଟ୍ରେନ ଚାଳକ ବାରମ୍ବାର ହର୍ଣ୍ଣ ବଜାଇବା ସତ୍ତ୍ବେ ଯୁବକମାନେ ଆଗରୁ ହଟି ନଥିଲେ। ଏହାପରେ ୩ ଟ୍ରେନ୍ ସେମାନଙ୍କ ଉପରେ ମାଡ଼ି ଯାଇଥିଲା। ଏଥିରେ ଦୁଇ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲେ। ରେଳ ଧାରଣାରେ ଫଟୋ ଉଠାଇବା ନିଷେଧ ବୋଲି ପୁଲିସ ଅଧିକାରୀ କହିଛନ୍ତି। ଏହାସତ୍ତ୍ବେ ଲୋକେ ସେଠାକୁ ଯାଉଛନ୍ତି ଏବଂ ଦୁର୍ଘଟଣାର ଶିକାର ହେଉଛନ୍ତି। ଦୁଇ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଥିବା ପୁଲିସ ପକ୍ଷରୁ ସୂଚନା ମିଳିଛି।
Comments are closed.