ନୂଆଦିଲ୍ଲୀ : ରେଳ ଷ୍ଟେସନରେ ଅନେକ ସମୟରେ ଦୁର୍ଘଟଣା ଘଟୁଥିବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ୍ ହୋଇଥାଏ । ଯାହା ଭୟଭୀତ, ଆଶ୍ଚର୍ଯ୍ୟ ଚକିତ କରିବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରିଥାଏ । ଅନେକ ସମୟରେ ରେଳ ଷ୍ଟେସନର କିଛି ଦୁର୍ଘଟଣା ଅସାବଧାନତା କାରଣରୁ ଘଟୁଥିବା ମଧ୍ୟ ଦେଖାଯାଏ । ସାମାନ୍ୟ ଅସାବଧାନତା କାରଣରୁ ଅନେକ ମୂଲ୍ୟବାନ୍ ଜୀବନ ବିପଦରେ ପଡିବା ସହ ଚାଲିଯାଏ । ମହାରାଷ୍ଟ୍ରର ବୋରୀବଲୀ ରେଳ ଷ୍ଟେସନର ଏକ ଛାତିଥରା ଦୃଶ୍ୟ ଦ୍ରୁତ ଗତିରେ ଭାଇରାଲ୍ ହେଉଛି ।
ଜଣେ ମହିଳା ଚଳନ୍ତା ଟ୍ରେନ୍ରୁ ଓହ୍ଲାଇବାକୁ ଚେଷ୍ଟା କରିବା ସମୟରେ ସେ ଟ୍ରେନ୍ ଓ ପ୍ଲାଟଫର୍ମ ମଝିରେ ଫସି ଯାଇଥିଲେ। ସେଠାରେ ଉପସ୍ଥିତ ଥିବା ଜଣେ ସୁରକ୍ଷାକର୍ମୀ ନିଜ ଉପସ୍ଥିତ ବୁଦ୍ଧି ଓ ସାହସ କାରଣରୁ ମହିଳାଙ୍କ ଜୀବନ ରକ୍ଷା କରିଛନ୍ତି।
महाराष्ट्र के बोरीवली रेलवे स्टेशन पर एक महिला चलती ट्रेन से उतरते समय असंतुलित होकर गिर पड़ी। वहां मौजूद रेलवे सुरक्षाकर्मी ने तत्परता दिखाते हुए उसे बचा लिया।
कृपया चलती ट्रेन से चढ़ने या उतरने की कोशिश न करें।#MissionJeevanRaksha pic.twitter.com/6R8FALdD0d
— Ministry of Railways (@RailMinIndia) March 9, 2025
ଭିଡିଓରେ ଦେଖିପାରିବେ, ମହିଳା ଜଣକ ଶୀଘ୍ର ଶୀଘ୍ର ଚଳନ୍ତା ଟ୍ରେନ୍ରୁ ଓହ୍ଲାଇବାକୁ ଚେଷ୍ଟା କରୁଥିଲେ । ସେହି ସମୟରେ ହଠାତ୍ ଖସି ପଡିବା ସହ ପ୍ଲାଟଫର୍ମ ଓ ଟ୍ରେନ୍ ମଝିରେ ଫସି ଯାଇଥିଲେ। ଉପସ୍ଥିତ ଥିବା ଲୋକେ ଚିତ୍କାର କରିବାକୁ ଆରମ୍ଭ କଲେ। ସେଠାରେ ତୁରନ୍ତ ଜଣେ ସୁରକ୍ଷାକର୍ମୀ ମହିଳାଙ୍କ ଜୀବନ ରକ୍ଷା କରିଥିଲେ । ନିଜର ସାହସ ଓ ସତର୍କତାର ସହ ମହିଳାଙ୍କୁ ଉଦ୍ଧାର କରିଥିଲେ । ସମ୍ପୂର୍ଣ୍ଣ ଘଟଣାର ଦୃଶ୍ୟ ସିସିଟିଭିରେ କଏଦ ହୋଇଛି । ଲୋକେ ଭିଡିଓ ଦେଖିବା ପରେ ସୁରକ୍ଷାକର୍ମୀଙ୍କୁ ପ୍ରଶଂସା କରିବା ସହ ଭିନ୍ନ ଭିନ୍ନ ମତ ଦେଇଛନ୍ତି।
ମହିଳାଙ୍କ ଜୀବନ ରକ୍ଷା କରିଥିବାରୁ ସୁରକ୍ଷାକର୍ମୀଙ୍କୁ ରେଲୱେ ପ୍ରଶାସନ ପକ୍ଷରୁ ସମ୍ମାନିତ କରାଯାଇଛି। ଏହାସହ ଚଳନ୍ତା ଟ୍ରେନ୍ରେ ଓହ୍ଲାଇବା କିମ୍ବା ଚଳନ୍ତା ଟ୍ରେନ୍ରେ ନଚଢିବା ପାଇଁ ପରାମର୍ଶ ଦିଆଯାଇଛି।
Pay Online
Comments are closed.