ମେଷ: ଶ୍ରୀ ଜୀଉ ଅବସର ଦଶମୀରେ ‘ଚକା ବିଜେ’ କରୁଥିବାବେଳେ ଏହା ଆପଣଙ୍କ ପାଇଁ ଏକ ମହନୀୟ ଅମୃତମୟ ସୁଯୋଗ। ରୋଜଗାର, ଖାଦ୍ୟ, ପାନୀୟ, ଅମୃତ ଆଶ୍ବାଦନ ତୁଲ୍ୟ ହୋଇପାରେ।
ବୃଷ: ଆପଣ ଶାସ୍ତ୍ରପଟୁ ପୁଣ୍ୟଦେହୀ ସୁବର୍ଣ୍ଣାଦି ଯୁକ୍ତ ରୂପବାନ୍ ଓ ରାଜବଂଶ ପୂଜିତ ହୋଇଥିବାବେଳେ ଅଜ୍ଞାତ କୁଳଶୀଳ ବ୍ୟକ୍ତିଙ୍କ ସହିତ ତର୍କରୁ ଓହରି ଆସିପାରନ୍ତି। ଜନସମ୍ପର୍କ ରକ୍ଷା ପାଇଁ ଖର୍ଚ୍ଚାନ୍ତ ହେବେ।
ମିଥୁନ: ଜ୍ଞାନ ପିପାସୁ ହେବେ। ସତ୍କର୍ମରେ ନିଜକୁ ନିୟୋଜିତ କରିପାରନ୍ତି। ସରକାରୀ ସ୍ତରରୁ ଅର୍ଥ ସହିତ ସମ୍ମାନ ପ୍ରାପ୍ତିର ସୁଯୋଗ ଅଛି। ପ୍ରତ୍ୟେକ କାର୍ଯ୍ୟରେ ସଫଳ ହେବେ। ସତ୍ୟବାଦୀ, ପଣ୍ଡିତ ଓ ପିତୃଭକ୍ତଯୁକ୍ତ ହେବେ।
କର୍କଟ:ଶାନ୍ତ, ନିପୁଣ, ମେଧାବୀ, ଜିତେନ୍ଦ୍ରୀୟ, ବିଦ୍ବାନ୍, ରୂପବାନ୍ ଓ ଦୟାଳୁ ସ୍ବଭାବସମ୍ପନ୍ନ ହେବେ। କର୍ମତତ୍ପର ହେବେ। ସରକାରୀ ସହାୟତାରେ ଆର୍ଥିକ ସ୍ଥିତିର ପ୍ରଭୂତ ଉନ୍ନତି ଘଟାଇ ପାରନ୍ତି। ସୁଖୀ ହେବେ।
ସିଂହ: କାର୍ଯ୍ୟର ସଫଳ ରୂପାୟନ କରି ପ୍ରଶଂସାର ପାତ୍ର ହେବେ। କ୍ଷମତାର ବିକେନ୍ଦ୍ରୀକରଣ କରି ସହକର୍ମୀଙ୍କ ପ୍ରଶଂସାର ପାତ୍ର ହେବେ। ବିଭିନ୍ନ ସୂତ୍ରରୁ ଆର୍ଥିକ ଅନୁଦାନ ମିଳିବ। ପାରିବାରିକ ଜୀବନ ସୁଖବୋଧ ହେବ।
କନ୍ୟା:ନିଜେ ଅସୁସ୍ଥ ରହି ମଧ୍ୟ କର୍ମତତ୍ପର ରହିବେ। ଉପୁଜିଥିବା ବ୍ୟତିକ୍ରମକୁ ଅତିକ୍ରମ କରିବା ପାଇଁ ଉଦ୍ୟମ ଅବ୍ୟାହତ ରଖିବେ। କ୍ରୋଧର ସ୍ଫୁଲିଙ୍ଗଠାରୁ ଦୂରେଇ ରହିବାକୁ ପଡ଼ିବ। ସତର୍କତାର ଦିନ ଆଜି।
ତୁଳା: ଆଜି ଦିନଟି ଅତ୍ୟନ୍ତ ଶୁଭଦାୟକ। କର୍ମକ୍ଷେତ୍ରରୁ ଅପୂର୍ବ ସଫଳତା ମିଳିବ। ଶୁଭ କାର୍ଯ୍ୟ ପାଇଁ ସମୟ ଅନୁକୂଳ ରହିଛି। ଉତ୍ସର୍ଗୀକୃତ ସେବାରେ ନିମଗ୍ନ ହେବେ। ପତ୍ନୀଙ୍କ ଉପଦେଶ ଉପାଦେୟ ହେବ।
ବିଛା: ଶତ୍ରୁ ପରାଜିତ ହୋଇ ଶରଣାଗତ ହୋଇପାରେ। ମାନସିକ ସ୍ତରରେ ଶାନ୍ତିର ଶୀତଳ ପ୍ରବାହ ଅନୁଭୂତ ହେବ। ଋଣ ପରିଶୋଧ କରି ଆଶ୍ବସ୍ତ ହେବେ। ଶାନ୍ତି ପାଇଁ ମହାପ୍ରଭୁଙ୍କ ଶରଣାଗତ ହୋଇପାରନ୍ତି।
ଧନୁ: ପରୋପକାରରେ ବ୍ରତୀ ହୋଇ କୃପାନିଧାନଙ୍କ କୃପାପାତ୍ର ହେବେ। ସ୍ବାତନ୍ତ୍ର୍ୟ ବ୍ୟକ୍ତିତ୍ବସମ୍ପନ୍ନ ହେବେ। କର୍ମକ୍ଷେତ୍ରର ଆବଶ୍ୟକତା ପୂରଣ ପାଇଁ ନାନା ଉପାଦେୟ ପୁସ୍ତକ ଓ ଲେଖା ଅନୁଧ୍ୟାନ କରିବାକୁ ପଡ଼ିବ।
ମକର: ଈପ୍ସିତ ଅର୍ଥ ପ୍ରାପ୍ତିର ସୂଚନା ମିଳୁଛି। ଅତି ମାନସ ଜ୍ଞାନ ଚକ୍ଷୁକୁ ଉନ୍ମୋଚନ କରି ଓ ଆତ୍ମଶକ୍ତିକୁ ଜାଗ୍ରତ କରି ଅଚିନ୍ତ୍ୟ ଶକ୍ତିସମ୍ପନ୍ନ ହୋଇପାରନ୍ତି। ଗୃହ ପରିବେଶ ଉତ୍ତମ ମାନର ହେବ।
କୁମ୍ଭ:ସକଳ ଗୁଣଯୁକ୍ତ, ସୁଖୀ ଓ କାବ୍ୟ ଶାସ୍ତ୍ରାନୁରକ୍ତ ହେବେ। ଈଶ୍ବରୀୟ ବିଭୂତି ପ୍ରାପ୍ତ ହୋଇପାରନ୍ତି। ସର୍ବତ୍ର ବିଜୟୀ ହେବେ। ପ୍ରାଣୀ ଜଗତ, ଉଦ୍ଭିଦ ଜଗତ ଓ ଜୀବଜଗତ ପାଇଁ ସ୍ନେହାନୁବନ୍ଧିତ ହୋଇପାରନ୍ତି।
ମୀନ: ନିଜ କର୍ତ୍ତବ୍ୟ ପଥରେ ଆରୁଢ଼ ହୋଇ ଜୀବନକୁ ଯଜ୍ଞମୟ କରିପାରନ୍ତି। ଆତ୍ମବଳରେ ବଳୀୟାନ୍ ହେବେ। ସତ୍ପୁତ୍ର ପାଇଁ ଗର୍ବିତ ହେବେ। ବିବିଧ ଉପାୟରେ ଧନ ଅର୍ଜନ କରିପାରନ୍ତି। କୀର୍ତ୍ତିମାନ୍ ହେବେ।
ରାଶି ଅନୁସାରେ ଜାଣନ୍ତୁ ଆଜି କିପରି କଟିବ ଆପଣଙ୍କ ଦିନ: ସୋମବାର ରାଶିଫଳ
Popular Categories
Previous article
Next article