କୋଣାର୍କ : ଶନିବାର ପବିତ୍ର ଶାମ୍ବ ଦଶମୀ ଲାଗି ଚନ୍ଦ୍ରଭାଗା ବେଳାମାର୍ଗ ଚଳଚଞ୍ଚଳ ହୋଇଉଠିଛି। ସକାଳୁ ସକାଳୁ ହଜାର ହଜାର ଶ୍ରଦ୍ଧାଳୁ ବୁଡ ପକାଇ ପ୍ରଭୁ ସୂର୍ଯ୍ୟ ନାରାୟଣଙ୍କୁ ପୂଜାର୍ଚ୍ଚନା କରିଛନ୍ତି। ପ୍ରତି ଓଡିଆଙ୍କ ଘରେ ଘରେ ବି ସୂର୍ଯ୍ୟପୂଜା କରାଯାଉଛି। ପୁରାଣ କଥାବସ୍ତୁ ଅନୁଯାୟୀ ଭଗବାନ କୃଷ୍ଣଙ୍କ ପୁଅ ଶାମ୍ବା କୁଷ୍ଠରୋଗରେ ପୀଡିତ ହୋଇଥିଲେ । କୁଷ୍ଠ ରୋଗରୁ ମୁକ୍ତି ପାଇବା ଲାଗି ଶାମ୍ବ ସୂର୍ଯ୍ୟ ଦେବଙ୍କୁ ପୂଜା କରିଥିଲେ । ୧୨ ବର୍ଷର ତପସ୍ୟା ପରେ ସୂର୍ଯ୍ୟଙ୍କ ଠାରୁ ବରଦାନ ପାଇ ଶାମ୍ବ କୁଷ୍ଠ ରୋଗରୁ ମୁକ୍ତି ପାଇଥିଲେ । ପୁରାଣର ଏହି କଥାକୁ ଆଧାର କରି ଶାମ୍ବ ଦଶମୀରେ ଘରେ ଘରେ ସୂର୍ଯ୍ୟ ପୂଜା କରାଯାଇଥାଏ । ପରିବାର ଲୋକଙ୍କ ମଙ୍ଗଳ କାମନା କରି ବିଭିନ୍ନ ପ୍ରକାର ପିଠା ପଣା, ମିଷ୍ଠାନ୍ନ ଆଦି ସୂର୍ଯ୍ୟ ଦେବତାଙ୍କ ଉଦ୍ଦେଶ୍ୟରେ ଭୋଗ ଲାଗି କରାଯାଇଥାଏ । ସେହିପରି ଶାମ୍ବଦଶମୀ ତିଥିରେ କୋଣାର୍କ ଅବଧୂତ ମଠ ଠାରୁ ଏକ ସୂର୍ଯ୍ୟ ରଥ ବାହାରି ଚନ୍ଦ୍ରଭାଗା ନିକଟକୁ ନିଆଯାଇଥାଏ। ସୂର୍ଯ୍ୟ ରଥକୁ ଟାଣିବା ଲାଗି ଦେଶର କୋଣ ଅନୁକୋଣରୁ ଶ୍ରଦ୍ଧାଳୁଙ୍କ ଭିଡ ଲାଗେ।
Popular Categories
Previous article
Next article