ଟିଟିଲାଗଡ଼: ପଶ୍ଚିମ ଓଡିଶାର ଅନ୍ୟତମ ବୃହତ ରେଲବାଇ ଜଙ୍କସନ ଟିଟିଲାଗଡ ଷ୍ଟେସନର ଅପଗ୍ରେଡେସନ କାର୍ଯ୍ୟ ସମ୍ପ୍ରତି ଜୋରଦାର ହୋଇଛି। ବିଶେଷ କରି ତିନୋଟି ପ୍ଲାଟଫର୍ମ ବିଶିଷ୍ଟ ଏହି ଷ୍ଟେସନରେ ଆଉ ଏକ ନୂତନ ପ୍ଲାଟଫର୍ମ ନେଇ ସ୍ଥାନୀୟ ଅଂଚଳବାସୀଙ୍କ ମଧ୍ୟରେ ବହୁ ପୂର୍ବରୁୁ ଦାବି ହୋଇଆସୁଥିଲା। ଅନେକ ସମୟରେ ଷ୍ଟେସନରେ ବିଭିନ୍ନ ପଟରୁ ଆସୁଥିବା ଟ୍ରେନ ଗୁଡିକ ଅଟକି ରହୁଥିବା ବେଳେ ଜାମ ନେଇ ଯାତ୍ରିବାହୀ ଟ୍ରେନ ଗୁଡିକ ବହୁ ସମୟ ପର୍ୟ୍ୟନ୍ତ ପାଖଆଖ ଷ୍ଟେସନରେ ଅଟକି ରହୁଥିଲା। ହାୱଡା ଟିଟିଲାଗଡ ଇସ୍ପାତ ସୁରପଫାଷ୍ଟ ଏକ୍ସପ୍ରେସ ରାତି ପ୍ରାୟ ୮ଟାରେ ଟିଟିଲାଗଡ ଷ୍ଟେସନକୁ ପହଂଚିବା ଧାର୍ୟ୍ୟ ରହିଥିବା ବେଳେ ଅନେକ ସମୟରେ ପାଖ ସିକେର ଷ୍ଟେସନରେ ରାତ୍ରି ପ୍ରାୟ ଦଶଟା ପର୍ୟ୍ୟନ୍ତ ଅଟକି ରହୁଥିବା ଅଭିଯୋଗ ହୋଇଆସୁଥିଲା। ଅନେକ ପାସେଞ୍ଜର ଟ୍ରେନ ଏଭଳି ବାହାରେ ଷ୍ଟେସନକୁ ପ୍ରବେଶ ପାଇଁ ଅପେକ୍ଷାରତ ରହୁଥିବା ବେଳେ ଘଣ୍ଟାଘଣ୍ଟା ଧରି ଯାତ୍ରୀ ହଇରାଣ ହରକତ ହୋଇଆସୁଥିଲେ। ଅପରପକ୍ଷରେ ରେଳବିଭାଗ ଆଗାମୀ ଦିନରେ ଘରୋଇ ସଂସ୍ଥାକୁ ରେଳ ଚଳାଚଳ ପାଇଁ ଅନୁମତି ଦେବା ନିଷ୍ପତି ହୋଇଛି। ଏପରିପ୍ରେକ୍ଷୀରେ ଏହି ଗୁରୁତ୍ୱପୁର୍ଣ୍ଣ ରୁଟରେ ଆହୁରି ନୁତନ ଯାତ୍ରିବାହୀ ଟ୍ରେନ ଚଳାଚଳ ହେବା ସୁନିଶ୍ଚିତ ହୋଇଛି। ଏସମ୍ପର୍କରେ ଟିଟିଲାଗଡ ଏଇଏନ କାଶିନାଥ ସାଙ୍କୁ ଯୋଗାଯୋଗ କରିବାରୁ ଷ୍ଟେସନରେ ନୁତନ ୮ ନମ୍ବର ଧାରଣା ବିଛାଯିବା ସହ ୪ ନମ୍ବର ପ୍ଲାଟଫର୍ମ କାର୍ୟ୍ୟ ଆରମ୍ଭ ହୋଇଥିବା କହିଛନ୍ତି। ଏନେଇ ଆଗାମୀ ଦିନରେ ଯାତ୍ରୀ ସୁବିଧା ସୁବ୍ୟବସ୍ଥିତ ହେବ ବୋଲି ଟିଟିଲାଗଡ ଅଂଚଳର ରେଳଯାତ୍ରୀ ତଥା ବୁଦ୍ଧିଜୀବୀ ମହଲରେ ଆଶ୍ୱସ୍ତି ପ୍ରକାଶ ପାଇଛି।
Popular Categories
Previous article
Next article